今日一早見CP，
佢睇左醫生寫的野，
佢知道咩事之後，
佢超嬲，
話我浪費左佢呢2年黎每星期見我的心機，
佢話病房姑娘都好疼我，
話我交唔起學費，仲大大聲咁話再多幫我交~
佢話如果我聽日有咩事佢會好失望
佢話我就好似圖上下面嗰個人，
身邊的人就好"肉緊"咁拉我上黎，
但我就唔肯拉實，
佢地會好傷心，好心痛~
佢叫我比手機佢保管，
又話聽日叫我過去佢門診，佢睇住我....
我係咁哭，我唔肯，佢就仲嬲~
唉~佢打比我醫生，
之後佢話佢要見病人，佢叫我聽日早上一定要見佢....
見完CP，見醫生，
社康陪，佢無咁激動，
但佢話我得2條路，
一係答應佢聽日唔好出事，二係入院~
我話唔入院~
之後我係咁哭，
佢：我最憎同哭的人講野，你哭完先同我講野呀~
佢：快D同我掉左D紙巾佢，唔好整到我成地下都係~
我扔完，佢：企係度，望住我，答我問題，想點？
我：唔入院
佢：咁第二樣呢？
我：唔答~
佢：你浪費左30秒時間，快D答~
我：唔答呀~
佢：1分鐘，你真係好無恥，快D答~
我：第二條同第一條係有關係的，我唔答~
佢：你而家浪費左醫療界2分鐘的時間，你知唔知你真係好無恥呀？答啦
我：唔答呀~
佢：好，2分鐘，我將你的罪證記錄在案~
之後佢寫寫寫，
佢：出去啦~唔想理你~攞返你D罪證出去....
之後我出左去，比返個排版出去，我係咁哭，
D人望住我，唉~
返去同呀媽食D野，返左學校見學校SW，
我哭得仲勁~
學校SW叫我入院，我話唔入，
我都同左佢講左原因，
佢問我點解唔同醫生講，
我話：我唔想的，我講咩，佢都唔會理我~
見完SW，我今日整迎生日比新生的野，
今日只整左一半，
我真係好攰~好辛苦
入院有咩好,失自由!你要加油!控制住
回覆刪除[版主回覆08/24/2013 04:28:09]我都想唔入院
其實，佢地雖然鬧你，但真係好努力咁幫你，你其實你已經得到很多愛，入院當然不好，但你不答應唔出事，也是沒有決心的表現，令人心痛，希望你可以好好地生活
回覆刪除[版主回覆08/24/2013 04:29:30]我唔係無決心，而係我唔想答應左做唔到
一個月前，我勸你要「下定決心不self -harm」，你答我「這件事要和CP、醫生詳細傾傾才可有較全面計劃」，於是我一直在等，看你之後會和CP、醫生怎樣互動，打算怎樣傾傾...
回覆刪除到現在，你是怎樣和CP與醫生商討的？
他們為你好，CP要收你手機，防止你受其他人影響，你拒絕；
醫生同其他人勸你入院，你拒絕；其實不入院不是很大問題，我不認為一定要入院，問題是你連一點決心也不願付，不願作出不self harm的承諾。
當日你答我「要CP、醫生訂出詳細計劃」，不知你是否還記得。你一直不肯應承他人不再self harm，某程度上你就是在預留一條後路給自己self harm。年復年，一次又一次在self harm後，說句「我不想的」、「我沒有辦法」、「又令大家失望了」，對其他人及對你自己又有什麼意義？
這段時期我不常留言，但我一直有看你的blog。很多人，不論CP、醫生還是blog友，都提供了很多方法給你，例如叫你暫時遠離常常嚷著自殺的朋友避免影響情緒 、入院等等，今次CP更乾脆叫你去佢門診睇住你，所以請你不要再對自己說「我不想的」、「我沒有辦法」，是你沒有把這些方法視為防止自己self harm的可選擇方案之一，而不是你口中的「我沒有辦法」。
你懂對SW說「我唔想的，我講咩，佢都唔會理我」。你有沒有留意，一直以來有多少人鼓勵過你，提供過多少個方法給你考慮，你仍然自以為是用你那些「不可行」的方法後再去self harm？你都不會理他們，但他們仍然一次又一次留言，我印象中有些blog友更是近乎天天留言給你的。你是否還打算固執下去？
入院、CP叫你去佢門診睇住你等等未必可治好你的創傷，但至少頗肯定可大大降低你self harm的機會。你既不接受，又不肯承諾不去self harm，你想怎麼樣？你想任性到何時？當你常常說其他人幫不到你時，你卻在拒絕他人的幫助，你想人們怎幫助你？
明天，沒有人不給你哭，但沒有人想你去Self harm。我說過不會再對你說「不要self harm」之類的話，因為不只一次了，你要學懂對自己的生命負責。與其單單由其他人說，還不如看看你曾對自己說過什麼，怎樣鼓勵過自己。你之前7月28日手寫那篇叫<無心機打>的Blog，你對自己說過什麼，你可再一看。
坦白說，打這篇留言時，我是有點憤怒的，相信你也感覺到。同是，我也是心情矛盾的。如果簡單一句「支持你」只會讓你覺得「有人撐而不去下決心改變你的想法，下決心不去self harm」，又「不肯嘗試其他方法，一味拒絕」，長此下去對你亦沒有好處。
衷心希望你明天過得安好。
[版主回覆08/25/2013 20:19:55]thanks
[Small Unknown回覆08/25/2013 01:36:29]good，沒有傷害自己，keep住。
[版主回覆08/24/2013 04:41:38]今日我入左A&E，仲要去到離我屋企N咁遠的醫院。但我可以同你講，我真的無傷害自己。
其實我真的好想努力，我都知cp佢地好想幫我，已經盡左力幫我，路最後都要要自己走的，我真心希望我出院後可以keep到。
我唔係唔想答應，而係我知自己做唔到，都唔想因做唔到而令佢地更失望。
他們個個都好疼你。
回覆刪除不是嬲你，
是為你好，
他們很關心很關心，
希望你也看得出。
過去 CP 門診，
讓佢睇住你，
也是可以的，
需要幫助，
就要讓人幫助呀。
我們也很關心你，
亦相信你會積極面對的。
支持你！
[版主回覆08/25/2013 20:26:22]多謝你
[red_yellow回覆08/25/2013 00:55:59]一步一步，
不要心急，
相信自己，
做得到的。
我覺得你比以前大有進展了，
keep 住keep 住，
實得嘅！
[版主回覆08/24/2013 04:42:58]我知道佢地係關心我，但我真係無能力去做。
其實又可必不斷和他們糾纏呢,接受人幫係好事,對妳和其他人都好,當然最受益是妳囉,人家辛苦,妳又辛苦又何必喎,其實他們是超愛護妳的,雖然各人表逹方式唔同,其實心情都是一樣的,可以做的他們都已經在做,最後就是睇妳自己了.
回覆刪除[版主回覆08/25/2013 20:19:47]盡力啦
[沒有叮噹回覆08/24/2013 08:52:10]真係做唔到,但妳都要做的,俾啲信心自己.
[版主回覆08/24/2013 04:43:26]我係接受，我都想做，但我真係做唔到
你都post張圖出來, 意味著你都好想人幫你~~
回覆刪除或者呢個最軟弱無奈的時候, 畀佢地幫幫你也是好的~~
[版主回覆08/24/2013 04:44:03]我唔知呀，我都唔知自己想點
如果逆地而處,你變咗醫生,醫生變咗你,你都會鬧到個病人飛起! 因為你盡晒力,但病人嘅情況卻無寸進,你會怎麼辦? 大家都想你好,但你自己也得努力,明白嗎?
回覆刪除[版主回覆08/25/2013 20:21:17]多謝你的鼓勵
[過氣年青人回覆08/24/2013 10:32:25]你千祈唔好放棄, 對自己要有信心. 我睇過你做暑期工嘅分享,發覺如果俾啲要付責任嘅工作你,你懂控制自己情緒同埋處理得好好!
[版主回覆08/24/2013 04:45:12]我知佢地都係太肉緊先會咁
[版主回覆08/24/2013 04:45:00]我知佢地都係太肉緊先會咁
把老師氣死的回答!!!~
回覆刪除老師："一隻盒子有幾條邊？
學生："兩條邊∼裡邊和外邊
老師："你的題為《搶救親人》的作文怎麼連一個標點符號也沒有？
學生："那麼急的事怎麼能停頓呢？
老師： "世界上什麼東西最大？
學生：" 眼皮。
老師："為什麼？
學生："只要把眼一閉，全世界都被遮住了。
老師： "人的哪一顆牙齒出現得最晚？
學生： "假牙。
教師："聲音和光，哪個速度快？
學生："聲音。
教師："你根據什麼說聲音的速度比光快呢？
學生："這太簡單了！每當我打開電視機，總是先聽見聲音，後看到畫面一位化學老師在自己的朋友面前大談氧氣的發現。
這位老師說："氧氣是在18世紀才被發現的……
"既然這樣，在此之前，人呼吸什麼呢？
在宗教課上，年輕的女教師給學生們虔誠地講述著《聖經》的故事。
故事講完之後，她問坐在前排的湯比："您能告訴我，在獲得上帝寬恕前，我們應該做什麼?
湯比神情嚴肅地站起來，說："我們首先應該犯罪 反正上帝都會原諒~
[版主回覆08/24/2013 04:44:51]^^
你要積極面對...入院可能對你有幫助呀！
回覆刪除[版主回覆08/24/2013 04:45:57]我都唔知有無幫助
你也要好好努力去捉緊，大家才能拉你上來呀:)
回覆刪除你不能放棄自己，我們每個人也支持你呢!
[版主回覆08/24/2013 04:46:11]我會再努力的
自助才有天助 , 自己努力才能得到眾人助力 . 不要問我點解 , 天道如此 .
回覆刪除[版主回覆08/28/2013 21:59:13]但我真的無力