今日一早覆診見醫生，
社康同我講佢約左另一個人，
所以佢同左我入去見醫生，
我就自己入去~
入到去，醫生：你朋友最後有無死？
我無講野
佢：唔好理佢啦，佢再煩你，你同我講，我用呢個借口要佢入院......
我無答，因為我唔想佢咁對我的朋友~
佢：見我又唔同我講野，返黎做咩？
我都無理佢
佢：你有無野同我講？無就四星期見啦....
我出左去，先見到社康...
社康：你同醫生講左咩？
我：一隻字都無同佢講.....
社康：咁你見黎做咩？
我：我唔想返黎呀~
之後我狂哭...
社康：哭咩呀？
我：其實我唔洗見佢啦，佢一早已經有佢的意見，佢心已經有答案~
社康：咁佢同你講咩？
我係咁哭，無答~
之後好辛苦先約到下次見醫生的時間，
因為我要返學~
見完，攞左藥，
我就返學校同同學食Lunch~
食完，就幫手迎新日，
今年唔知點解咁多新生.....
又遲到，真係....
之後老師都走埋黎同我地2個傾計~
佢話叫我地唔好比咁大壓力自己，
就算下年真係升唔到上去，
都唔好唔開心....
唉~我唔知呀，我真係好唔開心，
我琴晚係咁哭，
忽然好想.....
但今日見到同樣的新聞，
我就更.....
我唔知自己搞咩，
唉~
要加油！升上去！
回覆刪除[版主回覆08/29/2013 19:31:42]希望升到啦~
說真的，升唔倒都仲有好多條路行呢！
回覆刪除[版主回覆08/29/2013 19:36:00]咁又係~
我嘟今日見來！我應該比你小，你有F.3有好多出路家！！！
回覆刪除[版主回覆08/31/2013 19:56:09]唉~
[V霏霏V回覆08/30/2013 21:43:28]我都好多缺席家...
[版主回覆08/29/2013 19:36:58]正常就係既~但我好多缺席....
I pray for you tonight ! Don't be worry !
回覆刪除[版主回覆08/29/2013 19:37:09]thanks
醫生﹕你同我講，我用呢個借口要佢入院
回覆刪除你朋友和你都是看同一個醫生？
你醫生的表達方式不是十分理想，不過有一點可以補充。有一類人是這樣的，刻意做一些不好的事或嚷著要做一些不好的事來引人注意 ，變相是你越注意他，無形中就是在鼓勵他繼續做同樣的不當行為，並非在制止他或幫他。你不理他，他的不當行為因為不能達到引人注意的目的，反而會減少有關行為。
我不清楚你朋友是否屬於這類人，你醫生為什麼異常討厭你那經常嚷著self harm、自殺的朋友？我想背後有可能基於這種邏輯。另一方面，就是你那位朋友不愛惜自己之餘，還要牽涉你在內，讓你情緒起伏，這是更加不負責的行為。當然，你沒有理會CP、醫生的意見，或過了一段不短時間仍做不到他們的點點建議，說實話，你也有一定責任的。不過，公平一點，你現在總算暫時可把self harm停在「念頭」的階段而沒有去做，也是一些可見的進步。
純就你所描述的，我很多時也覺得你的主診醫生是表達方式的問題，他的想法與建議其實是值得你用心想想的。若然他的建議與想法是對的及對減輕你情緒困擾有幫助的話，如你所說，「佢一早已經有佢的意見，佢心已經有答案」而不認同你的做法也是合理不過的事，只是你不願聽及實行罷了，你不可能要醫生(甚至CP、Blog友或我本人)為了迎合你個人喜好而不去糾正你一些有需要改變的念頭。只是，有時你們兩人溝通不好 (會否是彼此影響著呢？是否很久以前他說的話不合你心意或屢次叫你入院，你就開始習慣性在見他時不答他問題，當他透明？你在這個Blog一直以來寫的東西的確給我一個這樣的感覺)，他的不當表達方式與怒氣掩蓋了他有用的建議而已。
[版主回覆08/30/2013 19:09:36]唉~我會盡力的
[Small Unknown回覆08/29/2013 22:39:54]I see.
有時真的可能對方不明白，但你也要時刻提醒自己，不認同你的看法或和你看法不同，不等於不明白你喔﹗^^
[版主回覆08/29/2013 19:42:40]我知道我咁做未必對佢係最好，分分鐘係害左佢~因為我未必知佢真正的狀況~
其實我唔想同醫生講野係覺得，就算我再講咩，佢都會覺得我唔應該識呢個朋友，佢都覺得我係唔啱~我更加唔想同佢嘈~
佢叫我入院，唔會令我唔想同佢講野，我唔想同佢講野係因為我覺得我講咩佢都唔會明白
加油
回覆刪除[版主回覆08/29/2013 19:42:51]thanks
升到嘅,
回覆刪除讀書就可以啦。
其實不妨和醫生講，
他也希望知道你的想法呀。
佢咁對你的朋友，
是因為關心你，
想一想，
可能你都會同意吧。
[版主回覆08/29/2013 19:43:21]我知佢係關心我，,但同時都令我唔想再理佢~
也不無道理,佢就唔好叫自己咁辛苦啦,而且見醫生又唔講嘢,連醫生都好辛苦,若妳能同醫生多溝通,得益的是妳喎.
回覆刪除[版主回覆08/30/2013 19:08:23]唉~
[沒有叮噹回覆08/30/2013 08:39:10]咁個醫生講嘢又係惡咗啲~~
[版主回覆08/29/2013 19:43:50]我唔知呀，見到佢講D咁既野，我就唔想同佢講野了~
個醫生講野都幾刻蒲!
回覆刪除[版主回覆08/29/2013 19:44:13]唉~呢個就係我唔想同佢講野的原因
真系無比太大壓力比自己,,0..0認真!
回覆刪除[版主回覆08/29/2013 19:44:23]知道