見醫生+新生會SW

今日的我，好唔開心，好嬲~

一早返去見醫生，

等社康的上司，

佢同左我上門診攞左張覆診紙，

見到我醫生，講左幾句，

佢就話佢有事要走~

等左一陣，我就入左去，

醫生：做咩提早覆診？

我:我唔知呀

醫生:咁你一定搵過人，人地先同你提早覆診的

我:我無搵過社康

醫生:咁社康點知?

我:又唔係我搵佢，我都唔知
醫生:咁你知唔知咩事

我:唔知呀

醫生：又係你個朋友呀？

我點頭

醫生：咁佢最後死唔死到呀？

有電話打比佢，佢聽完，

我：未到23日

醫生：你朋友簡直十惡不赦.....(勁多四字成語，我記唔到)，好心你就唔好理佢啦

我：做唔到

醫生：呢D13歲都識的野，你而家XX歲都唔識呀？CP成日都教你嫁啦

我係咁哭唔想理佢，因為佢係咁鬧我同我朋友，我唔想睬佢

醫生：佢要死就一早死左啦，仲講咩幾多號呀~死得個D一定係即刻死囉~

我真係唔想再理佢....

醫生：你朋友英文名點串？

我：我唔知點串~

醫生：有無搞錯呀？

我無理佢~

醫生坐係度，咩都無做，望住我....

醫生：XXX(我個全名)，你同我行過黎掉左D垃圾佢，唔好整污衊我地下，之後洗手，用洗手液呀~再抹手~

我完成了~

醫生：坐返埋位，仲有一個問題要問你~你入唔入院？

我：唔入，一入要入咁耐

醫生：係嫁啦

我：我只想23日搵地方收埋自己

醫生：入院囉~

我：唔入，都無得入一日

醫生：你22日返黎再同我講，你入唔入啦~

醫生：我送你出去，最後，你個十惡不赦的朋友唔好理佢呀~

見完佢，我好辛苦，個一刻仲想......

之後我返屋企附近去中心見ICCMW 的SW，

佢問我做咩咁的樣？

我話：我見完醫生好辛苦

佢：你同醫生講咩黎？

我：無講咩，佢一黎就鬧，唔想再同佢講野~

佢：鬧咩？

我：佢用左好多四字成語形容我朋友，咩十惡不赦個D

佢：下？

我：佢又話13歲識的野，我而家都仲唔識~

佢：咁你應該同醫生講你真係唔識~

我：唔想再同佢講野，佢都唔明嫁啦

呢個時候我係咁哭....

佢：所以你見完仲唔開心？

我：係呀，佢講的野令我好辛苦

我係咁哭哭同哭，

之後講下我咩事提早覆診個D，

佢話佢話精神上支持我....

見完佢，同呀媽食D野，

就返左學校又整壁報，

2點就打比社康，

但又話佢放左假，

算啦~唉~

我發誓，我以後唔會一個人見醫生，

如果我呢幾日搵唔到社康，

我情願22日唔見.....