見醫生+社康

今日一早就去左見醫生，

未去到醫院，社康就打比我，

問我去到邊~

去到我比左錢，就上左去Easy，

坐左一陣，社康就黎左，

佢問我近來點，又問我有無唔開心，

我全部都答：唔知~

佢話如果我再唔答佢，佢就會比人炒，

佢交唔到功課比上司...

我都無理佢，因我唔想講，都唔想哭....

等左半粒鐘左右，我入去了，

醫生又講：我知你就快要交學費，CP同我講過你近況，話你成績好好~

我：咁佢有無同你講我幾時見佢？(我最關心都係呢樣)

醫生：下？唔係20日見嗎？

我：唔係呀，無期呀

之後又姑娘入左黎，之後走左~

醫生：CP唔係咁的人，唔會唔見你的，你講清楚先啦~

社康同佢講係因為琴日有人打比我話改期，但未講時間

醫生：我叫姑娘問CP啦，放心啦~一陣見MSW，同佢傾下啦

我呆左，因我知道MSW一定幫唔到我

醫生：你聽唔明呀？無理由~仲有呀~你有無食藥呀？

我：有  醫生：記住呀，有咩就返黎搵我，我星期1,3,4都係度，唔好好似上次咁入A&E之後入左黎

之後佢同社康我上次入院的事....

聽聽下，我哭了~

醫生：做咩呀？一講入院就咁感觸，咩事呀？

我無理佢，醫生問社康知唔知我咩事~

社康：佢可能唸返起D姑娘唔好掛~

醫生：一定唔係啦，佢點會哭到咁呀(個時我哭到氣喘)

佢係咁問我咩事~

我：我講左之後你唔比叫我入院，唔比鬧我，我先講~

醫生：邊有得咁的，講左先有得講~仲有呀，你唔係應該信任我的嗎？講啦

我：咁唔講了，當我無講過，當無事發生過啦

醫生：唔得呀，講一半又唔講一半，唔講唔比走~

社康：講啦~  我：唔講啦，我要返屋企，我要走~

醫生：一係你出去半粒鐘先，再入黎講啦~

我：唔得呀，我要返屋企~

醫生：咁而家講啦~

我：都話當無事呀~

醫生：邊有得咁嫁~

之後社康係咁估我咩事，話我係病房比人話，所以唔開心

醫生：一定唔係啦，關我會叫佢入院咩事呀~算啦，大把時間

之後佢關左我排板，

社康：講啦，好唔好？

我係咁哭，係咁哭，哭左5mins左右，

我：星期六.....(我又係咁哭)

醫生打返開我個排板：講啦，聽緊~

我：我.....晚上OD左~(我已經哭到講唔到落去)

社康：點解要咁做~

我：我....因為好辛苦，A又要死，B又入左院，之後又有人要走，我好攰呀~個一日我係網上Seach 咩藥死得，之後我知有一隻藥Asthma食左會死.....(講左成10mins先講到咁多野，講一句，哭2mins><)

我：點解我次次想企返起身的時候，都會有野阻住我，我唔想咁呀~

醫生：你知唔知我聽完你講之後我會講咩？我知道有朋友唔開心，你幫唔到佢，你好唔開心，又有人離開你，你會好唔捨得，但我唔同意你講係外在的野令你企唔到起身~唔通我今日見到巴士有人斬人，我就覺得係我幫唔到佢，我就唔開心？唔通我見到你哭，我又要哭？CP一直教你的Mindfuless就係控制自己，而唔係比出面影響~聽你咁講，就知你仲未學到CP教你的野啦~

我係咁哭，無理佢~

醫生：我唔會逼你入院，但如果你想入就而家入，唔好聽日或者之後入A&E呀，明明有得預防的野唔預防，個陣我見到你，,一定鬧你嫁~總知，你如果聽日頂唔到，就返黎搵我，如果支持到2,3日，就星期一搵我，總知我唔要見到你去A&E呀~點呀？而家入唔入呀？

我：唔入

醫生：咁記住有咩事就返黎搵我，知定唔知？答我呀

我：知   醫生：好似教女咁....

醫生：下次再見啦~同我大聲講ByeBye先比走呀~

我：ByeBye X醫生

之後出返去，我再哭，

姑娘叫我去見MSW，又話打左比CP約左之後再打比我~

我偷睇左醫生比MSW的信，我又有新的病名，叫Recurrent depressive disorder

之後我去到MSW個度，又話佢唔係度~

診所姑娘又比我，同我約左期，佢係咁叫我重覆佢講的野佢先放心~

社康同我傾左幾句，又話我咩都唔同佢講，

我：我唸住我唔講就無人知~

社康：你一定要搵D方法代替OD，之後佢又借左本書比我睇~

攞左藥，就返黎同呀媽食左D野，我就返學了~

SW見到我話我個樣好攰~

我無理佢，今日見完醫生真係好頭痛，

哭得太勁了，又哭左好耐，

真係好攰~

其實今日仲好胃痛同頭暈><