見CP

今日一早去左見CP，

又要等，前一個未走....

入去時，見到佢的學生，

一黎佢又問左D例行問題，

之後問我有無野要同佢講，

雖然我寫左信比佢，

但我無比，我選擇自己講~

我：同學要入院

佢：仲有呢？我：原本話星期六出成績表，點知無出~

佢：仲有無？我：IVE請左我...

佢：咁好呀？仲有無？我：星期五攞獎學金

佢：又攞？(佢學生笑了)今次又咩獎學金

我講左個2個名比佢知，之後佢：咩黎？

我：唔知，封信只係改左個名，封封格式一樣~

佢：係呀，攞黎睇下~  我：無帶.

佢：未出成績表就攞獎學金？(佢學生又笑了)

之後佢就講返轉頭

佢：咁你係咪好擔心你同學

之後我哭了....

佢比紙巾我.....

我又同佢講，我怕要選科的問題....

佢話叫我同學校SW講，

又話如果擔心經濟問題，聽日同醫生講....

唉~我次次見醫生，都無野想同佢講的....

之後佢睇左我D功課，又睇左我借返黎的書，

約下次時，佢：你知我放假？我：知

之後佢狂睇佢本簿，又話：真係煩~

佢：3個星期得唔得？好似耐左D？得唔得呀？

我：得，OK呀(其實我唔係好想，但我知道佢都唔想的)

之後就走了，

我見完，見刊學校SW搵我，我搵返佢，

佢問我成績表的事，

我：都未出

Cut左線後，我又睇，見到，但無開

返屋企食左D野就返左學校見SW，

同佢傾成績表的問題，

原來星期五先有，

佢同我講，攞完獎學金會同我一齊睇，

我都答應佢：我自己唔會再睇~

佢又同我講個日點去，又問我呀媽去唔去~

佢話可以帶呀媽去....

又講左下年的問題，

佢同我講：8月佢會放假，但會返1日放2,3日咁~

我個一刻係有D唔開心，

但我都明白佢地係要放假的....

見完佢，我同同學又繼續整壁報，

仲未整完呀~

聽日覆診，其實次次見醫生，

都無野講，佢又會搵野話我，

所以今次我叫左社康陪我，希望好D啦.....

聽日同學入院，我可能會去探佢，

睇下我覆診情況而定，

希望一切順利啦....