見醫生+社康+新MSW

今日一早去左覆診，

同社康一齊見，

唔知點解，

今次要度高磅重量血壓同腰圍...

輕左5KG，血壓高，

姑娘：輕左呀你？你係咪好緊張呀？血壓高呀

我：係呀，好驚

姑娘：唔洗驚呀，不如你坐下先，一陣再度過啦，搵一個令你唔緊張的地方坐下啦

之後我同社康傾住計先，

同佢傾下暑假8月有咩野做，

佢話要搵D野做，如果唔係又入返院，

講講下，姑娘又行過黎叫我去量血壓，

姑娘：好D未呀？仲有無咁緊張？

我：好D啦~

結果都係高，姑娘：唔緊要啦，我同醫生講啦~

之後我又同社康傾住先，

講開之後返學經濟問題，

社康叫我同醫生講...

入去見了，

醫生：點呀你？有無食藥？一星期食幾粒？係咪只係一粒？無食醫生都唔會鬧你的，你要同我講就得~你又唔係第一日識我....

我：有呀，14粒呀

醫生：咁乖？係咪嫁？唔係一次過食曬呀？

我：唔係呀，分7日食~

醫生：咁好啦，今次同你加小小，都係一星期14粒，但粒藥的藥粉會多D，但都係咁多粒？好無？

我：哦，好呀~

醫生：有無野想同我講呀？

我：下？哦~

醫生：你又聽到聲呀，問你野呀~

我：唔係呀，只係聽到人叫我姐~

醫生：有無覺得有人係門口跟你呀？

我：無~   醫生：點解你次次見CP都唔開心？咩事呀？

我：同學入院   醫生：又入？下？Psy嫁？唔好識咁多呢D人啦~

我：下？唔係呀，唔係Psy呀~但我呀媽FD的女入左Psy呀，都係Easy

醫生：唔係跟我呀？  我：唔係呀，係X醫生

醫生同社康講：唉~又識埋D咁的人~

醫生：D成績點呀？仲怕唔怕好差？

我：就出成績表

醫生：咁咪好驚囉~

社康：有無同醫生講你D開心野呀？

我：獎學金呀，之後我講左個2個名比佢聽~

醫生：又話成績差？又有獎學金？   我：未必關成績事

醫生：咁唔通獎你出左院同今年小左入院？

我無野好講了~

之後社康：你係咪仲有野同醫生講呀~

我：係呀，交學費

佢：你叫我交學費？你交比我就差唔多~講D又唔講D，快D講咩事啦，我又唔係你呀媽，點幫你交呀？

社康：可能你要同佢搞下睇下有無津貼

佢：好啦，我搞下啦~

佢打打下時，我問：請問有無人會忽然間會感覺自己係高處跳下，會令自己好驚

佢：有無人？呢D係焦急緊張姐，比你之前個D覺得比人跟好好多啦~

之後等佢打完，

佢：睇下幾多人關心你啦，咁多姑娘關心你~

我：CP放大假

佢：係人都會放的了~

我：呀媽之前入左A&E

佢：係咩？之後佢問社康呀媽係咩醫生個D囉~

之後就走了，4個星期後再見

原來佢寫左比MSW

我等姑娘比覆診紙我的時候，我哭了~

我同社康講我呢排唸返起之前輕鐵個件事(睇返我最初的Blog啦，我唔想再提)，我好驚~

社康：唔可以比個件事再影響你了，你要試下面對，我明你真係會唔開心，但試下啦~

之後我去比封信比MSW，

之後我真係勁嬲~

MSW：你有獎學金，又去IVE返3日工，都夠交啦~唔夠咪叫呀媽比啦~

我：獎學金唔係即刻有得攞

MSW：咁我都幫唔到你的，問下學校SW啦~

MSW：要交幾$你又唔知，如果唔係，我都可以同你計下仲欠幾多，之後就同你呀媽講啦，如果欠幾千，你呀媽都比到啦~

我無野好講，佢根本唔明，我唔想再同佢講野~

MSW：你係咪睇人講嫁，上次見我，你都無因為咁而唔開心~

我無野好講囉~我唔同佢講，係因為我知佢根本唔會理，咪好似而家咁囉~

算啦，我唔想再理佢，我靠自己啦~

見完佢，我去買左D野，就去探同學，

同佢傾下計，探左1粒鐘，就返屋企了~

今日真係好唔開心，

但幸好今日醫生都OK，起碼無鬧我，

幫我量血壓的姑娘都好好人，

但MSW就....

一唸起佢，我又想哭了~