返工~

琴日一早起身，

就係去左IVE「返工」，

問左好多同學，知道唔係IVE生就只用返一日，

但我真係好攰~

一去到都好驚，因為去到陌生的環境，D人又唔識~

其實我原本係負責教d人點去指定的地方分流，

我仲唸住8點，一定唔會有人咁早，

點知學校都未派dse成績，d家長就一早黎排隊....

9點前，多數都係家長，之後就學生了~

好多好多的人，排曬長龍，

只係確認學位都有幾百人係度排~仲未計唔收佢或第一次報名的人....

見到人係我前面經過：我講得最多的就係：有咩可以幫到你？

因為佢地好多都唔多識路~

但大約10點幾，我被調到網上報名的部門，負責幫d學生處理佢地可能在報名時遇到的問題....

其實我完全唔識點報名，

因為我真的未經歷過，

但太多人舉手話唔識，我去到，見到我都唔識~

我只好搵其他人幫佢，因為其他好多都係ive的學生~

我睇住佢地點處理，我慢慢就識了~

真係好多人，老師比好多人叫住，老師叫住我，同學生講：等同事幫你~

下？同事？我對呢個字好陌生....

但當11點至1點，我分身都唔得，太多人有問題了><

已經好多「同事」幫手，但都應付唔到~

慢慢地，我同佢地熟左，

但忙到唔得閒食野，我好肚餓，仲好頭暈~

忽然間，有個男同學比左粒糖我食，

食左就好D了~

但2點都未食得野，但已經小左好多人，不過老師話唔食得野住，

唉~另一男同學又比左個蛋糕我食~

佢地真係好好~到2點幾，有另一女同學同我講：你快D去食野啦~一陣仲多人呀~

我：老師話唔食得><

佢：唔怕啦，落去食10mins，無人知~

我最初都唔食，但又有其他人叫我落去食，話佢自己都食左~

我就落去食啦~食左5mins，食左幾口，見到同部門的男同學，佢話等埋我一齊上去~

我就食多幾口，就無食了~

佢：Hea多陣，食多D啦~

我：上面一定好多人，要幫手~

最後同左佢上去了~

上到去，Miss叫我係電腦室門口幫手分流~

但我一邊係門口，一邊見到有人舉手，我都唔忍心，走左過去幫手~

比一個職員見到，你做唔到咁多野，搵人幫手啦，唔洗咁辛苦~

之後佢就係我隔離同我傾計~同我講，係學校做野好辛苦，又話今日好混亂~

其間有家長同我講：我今日等左6粒鐘，都未到我個仔，點先~

我：唔好意思呀，我都明白既~但今日真係比較多人，唔好意思呀~

佢：搵D高級D的人同我講~

我就搵左老師幫手....

之後都有家長話我：係你幫我嫁~而家印唔到，點先~

個一刻，我好想哭~但好彩有男同學見到，同我一齊處理，原來係機件問題...

5點後，開始小人了，我都係提早6點收工了~

今次返工，好辛苦，企到隻腳好痛，其間我都有好多情緒~

同學家長的不滿，記得有同學搵我：學校搞咩呀？WIFI用唔到，Whatsapp收唔到呀~咩學校黎，你快D幫我搞呀~

我：唔好意思呀~學校WIFI要同學登入先用到，訪客係用唔到的，所以如果要用Whatsapp就麻煩用返自己上網系統，再唔係用返SMS都得，請你見諒~

我又見到好多同學哭，

其實我好多都唔知點搞~

但下年就到我了，

所以我都好擔心....