仲堅持？

今日終於整好個Blog的簡介，都係好是旦咁整，大家有咩唔明先問返我啦~

今日的我，心情唔知點解好Down，係因為琴晚的夢？(琴晚發夢見到自己無得去)，定係擔心聽日學校會同我公佈個結果？還是天氣的影響？

今日我雖然有出街，我個人係出左去，但我個心根本不在~

我係度唸，我一直做的野，夠竟有無用？我就算點，我都會忍住唔係學校哭，所以大部分同學都唔知我的事，我就算點，都堅持唔請假，我做咁多野，係為左咩？

我只係為左我可以同其他人一樣~我知事實上我同佢地係有別，但只要表面上一樣就可以了....事實上，我呢2年大致上都做到了~但而家已經唔再係咁了，好多同學都知我原本係有得去的....佢地已經開始懷疑，我根本面對唔到佢地~係，我唔洗理人點睇我，但我最唔開心的係，我做左咁耐，原來我係白廢的，我一直都好辛苦咁，因為唔想比人問我點解唔返學，唔想好似之前間中學咁成日唔返學，而出席率唔夠~我因為咁，情願少見D社工，又要CP好辛苦咁就時間黎見我，有時甚至要遲D見~但我得到的係咩？我敢講，呢D一定唔係我想要的，我出席率係夠，但換來的係我的辛苦，記得我每次見CP同MSW，我好多時Lunch都唔食就走去見，又或者見完又要跑返學校，我甚至哭住咁返去學校，但返到班房又要扮無野，我真係好辛苦呀~

記得我小學時，我就算前2日因Asthma病發入左A&E出院返學，但上PE堂時，我死都要同其他同學一樣跑圈，我要的係，我同人一樣呀~

有左我而家呢個病，老實說，我好介意人地知我有病，好介意人地知我係睇緊精神科，係現實生活上我根本唔敢同人講~我甚至早前連有幾個親人過生，我雖然每日返學都好辛苦，我都無同同學提過，好多時，我唔係唔想哭，唔係唔想同人講，而且好多人都話我，SW同CP唔係成日睇住我，唔係成世跟我，我應該要有自己的朋友，而可以同到佢地講我的唔開心~但我有的就只有院友同你地班Blog友較為知我的內心，我唔係唔想同人講呀，但試問，有邊個可以接受我呀？所以，我情願我唔講，雖然有的都係表面上的朋友，但起碼我唔會有人因為我個病而唔鐘意我~好多時，唔係我唔想接受自己，係無咩人會接受我呀~

我真係累了，我真係唔想堅持落去，呢2年我真係好辛苦呀~可能得到的係有獎學金，但失去的係我自己~

我咁講，真係唔係要怪任何人，我更加唔係嬲學校，因為呢個就係現實，現實的社會就係咁~

我有試過去改變，以前中學的我，每日返學訓覺，一唔開心就會哭~而家的我，我情願唔食藥，就算幾辛苦都要忍住哭~我真係唔知我仲可以點....或許我仲未改變到的係我仲會Self-Harm~我承認我仲需要改善，但係我一直都係度問緊唔同的人，我應該可以點~但我而家見到以上的事實，我真係好想放棄，因為我真係好攰呀~  

當人無左目標，就唔知點行好，望住前面的路，我應該繼續去行？定抖下再行？還是停係度放棄呢？做左2年，又明知做唔到的野，我仲應該堅持嗎？