見CP+HKU輔導

今日係返學日，未返學之前就去左見CP，一早去見佢，

但今日真係好奇怪，佢好早就見我~等左10mins左右~

入到去，我排板唔知又有D咩紙，佢又睇左好耐~

佢問左D例行問題之後，就問我點解仲想死？

我話好辛苦~佢：做人真係好辛苦嫁，咁唔通一覺得辛苦就要死？

佢講講下，我哭了~佢：做咩講講下又哭？唸起D咩？

之後我同佢講，我呢排因為唔想返學哭而食多粒藥返學校....

我又同佢講覺得老師唔鐘意我，而成績又差左.....

佢叫我想哭就走去廁所哭，再唔係，係課室哭都無問題的~

我：會嚇親人的~　　　　佢：正常唔會有人理你，除非你哭得好大聲....

佢又話成績唔係最重要，識處理逆境係最重要，EQ比IQ更重要~

之後佢又同我講一個叫「自我實現」的野，



話有D人覺得自己會成績差而且溫書都無用就唔溫書，最後出到黎的結果當然差啦~

又正如有D人覺得D同學唔鐘意佢，咁佢就成日自己一個，行埋一邊~最後D同學就覺得佢想自己靜下而無主動搵佢，更加會有人覺得佢好奇怪而怕左佢.....

呢D就係「自我實現」，將自己唸的野，再加上自己的行為，就變成事實~

佢又話其實如果我地唔逃避自己的情緒，D情緒係會自己過的，

就好似D雲咁，但最重要係唔好係過程中話自己無用個D~

最後做左一次Mindfuless，就完左了~佢都有同我講佢地星期五會開會~

見完佢，就返學了~一黎又係IT堂，因為做完堂上的習作，

又繼續做埋份CV同Cover Letter~其實我真係唔多識做~

之後個堂派卷，唔好問我幾分，因為都係好差.....

呢份就係我之前講個份有2版紙我只寫左4分1個份~

上完呢堂，我食左個包，就搭車去HKU，

約左4點，2點輔導就打比我提我去見.....今日最後都3點幾就去到~

今日都係入Kid Room，但唔見左隻狗仔，所以輔導即刻搵返比我，仲講笑：佢離家出走~

之後佢問我見教授的情況，我話OK呀~之後佢話佢會再安排下.....

講講下，講到上次OD，之後又講左去交流團，

佢話佢10月都有Keep住見我，但完全察覺唔到我想OD，

係我自己無同佢講姐~因為講真，我仲未同佢建立左關係.....

之後我比左我畫的畫比佢睇.....

最後，佢話知好多人都同我講過，但佢都想同我講多次：希望我可以愛惜我自己~

約埋下次，我就返屋企了~放工時間，又係超多人....

返到屋企，天都黑了~好眼訓~但又要做功課了......

「點解要返學？」呢個問題又出現了~