見醫生+MSW

今日都係返學日，由落車行返學校，都係好多野唸，

但永遠一到學校前2個街口，都係2個老師企係度，

我一見到佢地就知道要返學了，唔可以再帶埋D情緒返學校~

今日一返到學校又係溫書，唉~都係無心機溫，琴晚都有溫，但溫得入腦的都唔多~

Lunch之後就係Test了，半版的英文，之後係2版A4的橫線，我寫左3分1版多小小，

呢個完全唔係以前的我黎，但我望住個鐘，見到要出發去覆診了，我舉手提早交卷，之後就走人~

一落車，MSW就打比我，問我係邊，叫我登左記就打比佢....

去到，都係一個人都無，我MSW見到O左咀，佢見到我醫生的門牌，就話：大醫生黎？

我無理佢，好快10mins左右就叫我入去~

MSW係度自我介紹，醫生一見到我，又話我係度玩袋，叫我攞開佢.....

佢話我書包好似好多野，問我有無成績表比佢睇，我話：無呀，未考~

佢：咁Test呢？　　　我：份Paper交返了~

之後唔知點講講下，講到我唔想返學，佢話我唔想返就唔好返，

我：返到學校都係訓~　　　佢：咁你唔想哭，咪訓啦，已經達到目標了.....

我：但聽唔到書~　　　　　佢：呢D問題慢慢先解決啦~你唔想返就唔好返~

我：老師會話我訓覺的~　　佢：我星期五開會會同佢地講下啦~

之後又講左去交流團，講到藥要醫生紙~

我哭住咁講：班主任話我如果我乖d就唔洗食咁多藥，仲用機計下我食幾多粒~

佢：下？咁衰？關你唔乖咩事呀？得啦，開會我會講下的~

最後佢都比左醫生紙我~仲問我洗唔洗攞假休息下同入院住下，我當然拒絕左啦~

佢又話佢好自由，我鐘意點同佢講就OK.....佢話唔想管住我....

之後佢又係咁話我個排版好厚~話已經換左個新比我....但都係咁厚.>.<

出到黎，MSW話：Easy的醫生真係唔同D，好多野講~　　　我：係咩？

MSW：係呀，我見過D醫生2-3分鐘，Print張紙出黎就見完~

我：咁我係Psy又無試過的~

最後約埋下次醫生期，佢就走了~我自己去窗口度攞覆診紙，又係個個姐姐，

佢：點呀你？返學呀？　　　　　　　我：係呀

佢：趕得切？　　　　　　　　　　　我：係呀，放3點半

佢：但下次3點半黎到，你OK？　　　我：OK呀，下次放聖誕假~

之後我就等攞藥就返左屋企了~唉~原本整左張卡比MSW，但唔記得帶比佢，唯有下次先啦~

今日對住醫生係咁哭，唉~我都唔想的，但我真係好辛苦，哭完我都仲係好想哭.....