整Passport+見HKU教授

今日一早去左元朗整Passport，

唔知點解勁多人，

好彩預左約~

點知影完相，

唔見左張籌，

我去左窗口同佢講~

個人話：呀妹，你唔見左就算你到左都唔會見你的~你而家等叫名啦~

好彩，如果唔係真係不得了~

但整完都仲早，可以行下，

之後食左D野先去HKU，

點知一點幾就去到，早左粒幾鐘，

而好彩今日係Info. Day，所以我入去行下~

睇下一陣，就行返去個度，

個輔導有D野整，直至3點多先叫我去見教授~

有好多學生，第一下真係有D驚，

但傾傾下，分散左D注意力就OK~

都係講返我細個的背景，最後都哭了~

大約一個鐘左右，就到D學生問問題，

佢地問的問題，好彩我同識答，

但我講野又英又中，

有時我怕佢地聽唔明，又講返中文，

無計啦，我好多時都習慣左講英文~

有個外國人用英文問，佢地同我解釋.....

見完，輔導話下星期先打電話黎約我下次~

其實今次見教授，

雖然可能只見一次，而都講完我D背景就講完，

但我都預左會係咁~

而我去我比自己的目的只係想D學生可以更明白我地真正的感受，

所以我講左好多真實的情況出黎，而跟進我的人都唔知的，

例如其實CP D 功課我唔係日日做，當然我都講左我的原因啦~

所以，我去的目標而唔係想教授去幫我，

而我只係想更加人認識Depression 同 BPD，

都因為咁，佢地今次有錄影同錄音作之後的教育用途，

我都無反對的~

今日唔知點解返黎時，好塞車，

又超多人，想係車訓下都唔得><

其實我呢排心情都唔係好好，但約左就要去就要做~

今晚又要努力做功課了.....