見MSW

今日一早去左見MSW，

講琴日佢地開會的情況，

佢話其實佢地都唔似開會，

似傾計多D，

而大家都覺得我的問題就係：

「其實我好多野都識，D心理的野我比好多SW仲叻，

但就係我唔識運用出黎，係中間就阻住左....

但每次佢地問我有咩感受時，我都唔識表達，
 
佢話其實呢D野係好難改，因為係由小至大的環境或者童年的事而影響到....

例如交流團件事上，我一唸就唸到人地唔鐘意我，針對我，

其實我中間有好多感受先會咁覺得.....

佢問我自己有咩優點，我唸左好耐先答：準時

佢話其實呢個係行為，而唔係優點....

佢又話佢地每次問我有咩感受都徊左D唔係感受的詞語，

驚都有好多層次，都有原因，

但我每次都會答唔知，就係中間阻住左....

佢話佢地之後會針對呢個問題去幫我~」

以上就係佢地琴日開會得出的結果，

不過佢地都話我進步左，小左入院咁囉.....

今日有D事發生左 (其實大家可以唔睇落去，因為以下的野，只係我今日發生的事同感受(係比我自己Mark低)，可能會有D長，都可能會令你地不安，所以你地唔OK的話，可以唔睇)
 
可能隨住年紀大了，呢個煩惱都會出現，呢個都係我唔想長大的原因之一.....可能我係Blog度一直都係無講呢方面的野，
 
我唔知咩叫愛，都唔知愛一個人係咩感覺，但我知道呢D係人生必經的階段，我唔知係咪以我而家的年齡，好多人都會好似我咁，我真係唔知....呢D野真係好煩，會令人好累......

但我清楚的係，我答應左會等佢就會等佢，我唔知最後佢會唔會走左，幾年後唔會出現或者以後都唔返，都可能呢個就成為左我今日我拒絕"佢"的理由，我自認我真係唔識呢D野，我更加無好好咁處理，因為我真係無心理準備去知同去理.....

我而家呢幾年最想做的係，好好處理我自己的BPD同Depression，更加想處理我的學業~人(或者只係我)，真係唔可以一時間處理咁多野....

我知道我的處理手法係有問題，我知會傷害到"佢"，但我就係知道唔可以再咁落去，我唔想做我呀爸的下一個，我更加知道再咁落去，大家之後的傷口只會更深~

坦白說，我唸左好耐先咁做，當然最後都處理得唔好~我都希望大家哭完就可以重新黎過，但希望"佢"明白，或者"佢"而家睇緊我個Blog，唔係"佢"的問題而導致今日的問題，而係本人無準備好，都可以講，我今日先知原來"佢"一直對我有咁的感覺，一切都係我的問題，係我無處理好，Sorry~
 
唔好意思，講左咁多野~