成績表

今日都係返學日，

係上堂前約左學校的男SW，

第一次見佢，其實我入去見佢前，我都唸左好耐去唔去....

但最後都去左.....

入到去，佢問我洗唔洗同埋班主任一齊見，

我都唸左好耐，因為我真係唔習慣男的同我單獨見，

所以我同佢講：最好啦

點知，一講開呀公的事，

我又係咁係度哭，

佢地叫我，當我唸起呀公的時候，

就同呀公傾計，

例如講下個日的開心事.....

之後佢地問我睇左成績表未？

我：未呀，好驚~

佢地：驚咩？

我講我無論科科EXcellent，我都會唔開心，

而且無咩可能係咁....

佢地問我想同佢地一齊睇定等我唸一陣先睇定點~

我：其他我好想睇，但好驚~

佢地叫我唸到再同佢地講~

我見仲未上堂，

所以就話咁一齊睇啦~

點知去到部電腦睇唔到~

班主任話上課室睇~

之後上到課室，已經有好多同學，

但佢地睇唔到電腦有咩，

班主任開左比我睇，但我已經縮埋左，真係唔敢睇，

但見到SW同班主任已經講左我的部分成績出黎，

所以我就睇了，班主任問我洗唔洗同SW傾下先上堂，

我唸左好耐，先講好，

我一出到課室，就係咁哭，

SW同我講：無論佢同班主任都覺得我的成績係算好的，

但我真係接受唔到咁的成績，

我最差就係D語文科，即係中英文，

得Merit (即B)，我上年呢D科唔會咁，

雖然我之前做過IQ Test，我的語文能力係比常人低小小，

但唔代表我可以咁，呢D係最基本的科....

唉~見完就要上堂~

上到去，佢地已經唔知講緊咩，

教緊潮語，

之後個堂就又派卷，

呢個老師一向都會講最高分的係邊個，

佢只會講個姓(打英文)，

佢講左之後，D人仲唸係邊個，

當然我一早就知啦，

最後佢地講下講下先知係我，但我都唔係好滿意自己的成績，

可能我覺得自己仲唔知自己錯係邊啦.....

最後個堂係英文堂，又溫書，

呀Sir放學話我個樣好攰，

係呀，我真係已經好辛苦了......