2013年2月10日 星期日
唯一一日拜年
今日係年初一，
係度祝大家新年進步，身心健康~
今日都係星期日，
所以都返左教會，但今日只有一個鐘，
好多野都好快就講完了.....
返完去，就返左屋企，
今年有一個節目，
就係要去伯婆家拜年，
已經有5年無去過，
但今年因為伯公的過生，呀媽就話今年要去，
其實我真係唔多想去，
一黎好多人，二黎好悶.....
更怕的係我怕呀媽又同佢地吵><
但呀媽要去，我都要去.....
一去到，已經有幾個人去到，
我只係點頭，就坐埋一邊，睇書。
因為我同佢地真係唔多熟，
所以我都係坐埋一邊好D，
而佢地都好多野做，
周圍走，大人就比完利是我就做自己野了.....
食Lunch時，佢地有同我講左幾句，我就應左佢，就算了.....
食完，我又坐埋一邊，
途中雖然佢地同呀媽無吵，
但都有D令到會大定吵架的位，
呀媽又講左一句，人地已經示意唔答，但呀媽仲講，
我忍唔住叫呀媽唔好講，大家先好D....
中途都有好多唔同的情況....
我好怕真係會發生，我都係叫呀媽不如返屋企，
正當我地想走時，又有十幾廿人黎到，呀媽又走唔到住了....
我只好再睇書，因為今次呢堆人，我大部分都唔知佢地係邊個，
只知道好熱鬧，因為OK多小朋友，所以係咁交換利是，
坐埋一邊的我，忽然有人叫我：妹妹，比封利是你~
其實我真係唔知佢地係邊個，我：多謝，就收了~
呀媽好自然又要比返佢地，
一個比，其他人見到又比，我又睇唔到書了.....
佢地走了，呀媽都想走了，但又有人黎了，
我今次知佢係邊個了，
但呀媽都要走了，
所以佢地交換利是，我地就走了~
呀媽仲話，之後仲有人會黎，我可以多幾封利是....
但我都堅持走，佢地都同呀媽講：後生會悶的，走先啦.....
今日係我唯一一日需要拜年，
需要佢地最後無吵，但我都擔心到死左.....
其實我情願收小D利是，可以減小佢地吵的機會.....
返到屋企，我又做MSW的功課，
琴晚的2小時+今日的一小時，
我打了3篇，共2700+字，
我要繼續努力....
訂閱：
張貼留言 (Atom)
恭喜發財。祝你開心快樂。利是朱媽媽就冇得比你，我就祝福你身心健康。
回覆刪除[版主回覆02/10/2013 20:49:24]哈哈，新年進步
『新』禧又來到，
回覆刪除『年』年都美妙，
『快』樂常微笑，
『樂』在每一秒。
『恭』賀少不了，
『喜』慶樣樣好，
『發』願好運兆，
『財』源滾滾到。
[版主回覆02/10/2013 22:57:32]都要你有心先得，仲要識欣賞
[Yu Sir回覆02/10/2013 22:17:21]網上抄來,,好易啫,,,
[版主回覆02/10/2013 21:33:01]咁都比你作到，勁呀~新年進步
新年快樂呀!
回覆刪除其實我都好有同感...
有D親戚(表/堂兄弟姐妹個D)佢地係一見到人就係咁恭喜發財,目的係為左利是,反而我係坐係一邊,我唔係太中意同人地SOCIAL個D,亦唔係為左D利是,心諗,你比我時我呀媽又要比返你,有咩賺到姐其實。 同埋我唔中意亦唔會為左人地D利是而係咁奉承人地,我好憎呢D野...
[版主回覆02/10/2013 23:00:31]豆:哈哈，我仲衰過你，有時佢地走過黎我身邊，我都唔知點叫，因為我唔知佢係邊個
[版主回覆02/10/2013 22:59:07]小學護:係呀，我情願自己坐埋一邊，因為我唔鐘意熱鬧
[画画的紅豆--Adzuki回覆02/10/2013 22:44:09]
新年進步！祝你開開心心地渡過每一天。
回覆刪除[版主回覆02/10/2013 23:01:31]多謝你，新年進步
新年唔係要開開心心架咩?
回覆刪除點解會嘈交呢?
小乖乖妳要開心D喲！
孩提時的豆﹐面對親友們都會非常怕醜﹐
又驚佢俾利是我﹐而我又唔識點叫佢喎！
[版主回覆02/10/2013 23:03:11]因為呀媽同佢地之前鬧過交。我細個仲衰，人地比我，我仲要問呀媽要唔要先得
你真係個好乖又愛和平的女孩！
回覆刪除你努力做呀！不過做到攰時，記得要休息。
祝你心平氣和，一團和氣，平安喜樂，快樂健康！
[版主回覆02/10/2013 23:03:50]我唔想吵姐~多謝你，新年進步
拜年時會睇書書?！
回覆刪除豆一向都無意識「攞書同攞其他野去睇」呀！
PS‧
[版主回覆02/11/2013 21:00:08]我成日都哈哈的
[画画的紅豆--Adzuki回覆02/11/2013 20:34:35]
真的太太太好啦！
[版主回覆02/10/2013 23:05:11]哈哈，其實你仲乖呀。我就怕悶，所以要睇書，新年進步
°☀*∴•*¨`*••*¨`*••*¨`*••*¨`*••*¨`*••*¨`*••*¨`*••*¨`*•
回覆刪除....═══════∩═══════
╭╬╮ ◢
▁╭▅▆▇□□█▇▆▅▄▃▂▁▄▄█╮
╰═▃__▁▁▁▁▁∠════▔▔▔
╙O ╙O
╔════╗╔═════╗❤年年圓滿如意❤月月萬事順心❤
╚═╗╔═╝║░░╬░░║❤日日喜悅無憂❤時時高興歡喜❤
░░║║░░╚═════╝❤刻刻充滿朝氣❤月圓人圓花好❤
╔╗║║╔╗╔═════╗❤事順業順家興❤∴∵✿ ❤∴∵✿ ❤∴
╚╝║║╚╝║░░╬░░║❤蛇年祝您及全家春節快樂❤
░░║║░░║░░╬░░║❤福到❤燦爛2Ѽ13❤萬事亨通❤
░░╚╝░░╚═════╝∴∵✿ ❤∴∵✿ ❤∴∵☆ ❤∴∵✿ ❤∴
∴∵✿ ❤∴∵✿ ❤∴∵☆ ❤∴∵✿ ❤∴∴∵✿ ❤∴∵✿ ❤∴∵☆ ❤
[版主回覆02/11/2013 09:18:38]好靚，多謝你，新年快樂
祝你身心康泰~~
回覆刪除[版主回覆02/11/2013 09:19:03]多謝你，你都要身心健康呀
跟阿媽拜年會有啲悶,祝你假日愉快!
回覆刪除[版主回覆02/11/2013 09:19:34]係呀，好悶><假日愉快
(っˆヮˆ)っ大年初一, 恭喜 ! 恭喜 ! ♡('︶'~ )♡
回覆刪除恭賀新禧，福恩滿滿，祝身體健康 !
魚躍龍門好有福，蛇年賀歲來送福。
大福小福全家福，有福享福處處福。
知福來福有祝福，清福鴻福添幸福。
接福納福年年福，守福祈福歲歲福 !
[版主回覆02/11/2013 09:20:10]好多福呀，多謝你，新年進步
加油啊:)
回覆刪除祝你身體健康、學業進步。
新一年不再悲傷:)
[版主回覆02/11/2013 09:20:42]希望吧~多謝你，新年快樂
恭祝您們迎接蛇年,心想事成,身體健康,萬事如意,福星高照,開心快樂過新年....
回覆刪除[版主回覆02/11/2013 09:26:07]多謝你，希望你新年進步
小朋友:
回覆刪除祝你蛇年
學業進步
開開心心
吉祥如意、
心想事成、
身體健康、
你好勤力
[版主回覆02/11/2013 09:21:37]好多祝福，多謝你，新年進步
琴日同阿爸阿媽.三個姪子壯女去北角拜神..都覺...今日都要去黃大仙.........唔鐘意新年
回覆刪除[版主回覆02/11/2013 09:22:18]唉~我唔係好鍾意多人同熱鬧
嘩，你都打得幾快wor, 加油加油！ 新年快樂！！！希望你今年開開心心，笑口常開：D
回覆刪除[版主回覆02/11/2013 13:30:05]做得好慢><新年進步
妳肯陪媽媽拜年好乖好聽話呀！ 我都唔鍾意多人既地方。
回覆刪除祝妳身體健康， 萬事勝意， 日日開開心心。
[版主回覆02/11/2013 19:50:50]我都唔鐘意，但都要去....
新年進步~
新年快樂!
回覆刪除[版主回覆02/11/2013 19:52:08]新年進步~
悲傷.....新年大快樂......
回覆刪除今日食左糕未呀....??
[版主回覆02/11/2013 19:51:15]新年進步~呢幾日都有食呀
咩功課黎?
回覆刪除[版主回覆02/11/2013 19:52:07]寫書教的方法有咩好，有咩唔好，同有咩建議
新年都要做功課呀？
回覆刪除[版主回覆02/11/2013 20:57:32]我琴日做的係MSW的功課
「佢地最後無吵，但我都擔心到死左.....」^^
回覆刪除可能你媽媽自己都好矛盾，想對伯婆好，又有D野自己忍受唔到~
你算乖，陪阿媽去拜年～ 有一齊拜年的機會，真好！
[版主回覆02/12/2013 10:07:53]唔想去，都要去呀
有利是收未仲好~~
回覆刪除點解親戚上頭, 會去到人家屋企吵呢?!! 寧願一切以和為貴...
[版主回覆02/14/2013 20:47:52]我屋企係好複雜的
乖乖
回覆刪除[版主回覆02/14/2013 20:46:49]多謝你~
情願收小D利是，
回覆刪除減小吵的機會，
你心地很好呀。
.
繼續努力，
加油！
[版主回覆02/20/2013 20:32:20]多謝你