較藥？

今日都係返學日，

一返到學校，

我記得MSW叫我打比佢，

因為上次見MSW的時候，

佢叫我見佢前一日打比佢，

因為等到佢返工的時候，我已經係學校，

但我都係照打，

但我一打比佢，佢就唔知咩事知道我唔開心，

問我點，佢話我好似好唔開心，

佢一講，我就哭了，

但我見到周圍有同學，所以我走開一邊講，

佢問我洗唔洗早D見，

我心唸：我今日成日都要返學，唔想請假....

所以：我話唔洗~

之後佢問我有無見學校SW，我話佢好似無返工~

講到呢度，我：我要上堂了~

係，我真係夠鐘上堂了....

之後D堂都係傾Project，

最後個堂就係英文堂，

呀Sir又咁問我係咪好唔舒服，

又叫我去廁所洗臉，

但我都拒絕左，因為我真係只係想扒起張枱度就OK....

放學，佢居然同我講：你點呀？

我搖頭

佢：叫醫生搞下D藥啦

其實我有D無奈，關藥咩事？而且我已經無食藥了....

但身邊有同學係度，我唔多講，我只係點頭就算....

佢：係呀，有時食左藥係會呆D，你好似過左年差左...

我都係點頭，佢：有咩搵我啦....

其實我知佢係出於好意，但~~我真係唔知點答，而且有同學係度，我更加唔會講.....

放學，同學同我講，學校SW搵我，

我去到，佢問我呢排點，

我真係唔知點答，佢問下問下，

我已經哭左，佢問我同學知唔知，

我：唔知，同佢地講，佢都幫唔到我，仲嚇親佢地....

之後佢話我同佢地講左，佢地無咁擔心....

佢問我返學好定係屋企好...

我：返學聽唔到書，係屋企無野做又唔得~

佢問我如果入院呢？

我更加拒絕，因為我真係唔想....

佢叫我同醫生講，叫佢搞下D藥~

我：同醫生講無用，佢一定唔會理我，佢唔串返我已經好好~

佢話之後醫生點做就佢的事，起碼自己講左，做左自己本份~

佢又同我講，佢下星期請假，唔返工(至於咩事，我都唔係度講)

所以聽日同我一齊食Lunch，

之後再睇下我想唔想下星期再同學校的另一個男SW傾，

我咁大個女都未同過男SW傾計，

因為我真係好驚，而且對於我黎講，佢係陌生人，

我更加唔會一黎就講咁多野，

所以，我無立即答應，SW就叫我聽日答佢.....