見CP

好耐無打Blog了，

其實我星期一晚上十一點左右已返到HK，

但我第二日要返學，

加上太累了，

而琴日又真係好多野做，

所以無打Blog....

我已經好多日無訓了，

係星期六我連上床的機會都無咩有，

因為個日要守夜，

好多儀式，

大陸唔同HK，所以我唔係度多講，因為我都唔係好知係咩黎.....

個日都有2-3粒鐘係可以係張床度，

大人都咁的機會，

但佢地見我好累，先叫我休息下，

但我係床度，又點會訓得著呢？

天光無耐，又要開始了.....

個幾日，我無時無刻都係度哭，

係張床度都係度哭，

呢幾日返學一方面真係好攰，一方面都好Down，

返到學校都係大部分時間扒起台，有時都會流下眼淚，

有一兩個老師都會問我係咪病，

連D同學都話我好似有D唔舒服，

係學校，我無咩點講野，

因為我真係好辛苦，都好攰，

我係度唸，我其實真係唔係好適合返學，

但我唔返學可以做咩？係屋企哭？

再加上我見到有一個又一個的Test，

我真係一定要返....

今日見CP，佢一開始問我有無野同佢講，

我都答無，所以佢一開始都係睇功課，

但佢見到我有兩日無做，

問我做咩，我話係大陸，

佢：過左年先返？

我哭了，係咁哭，一直哭，

最後先同佢講呢件事，

佢講左好多野，

又講佢半年前都有家人過生(至於邊個我唔係度講)，

佢都好唔開心，我都Feel到佢講到想哭，

但我只係一直哭一直哭，

之後佢同我一齊做Mindfuless，

做完，再講下，就走了，

下星期我空堂的時間佢唔得閒，

所以要再下星期先見了......