見醫生

今日都要返學，

但都係集中唔到精神，

但中文考試，我都要係咁叫自己要努力考左佢....

結果我做得好慢，

咩都唸唔到，

唉~最後係有做的，

但做完都唔知自己做緊咩....

Lunch交流團面試，

我都只係講左幾句野，

而且我對去到無太大的期望....

Maths堂上到一半，我要早退返醫院見醫生，

社康打比我，話陪我去見，

社康都話我抑鬱的徵狀出晒，

仲話唔係改變思想就得，要食藥....

但入到去見醫生，

醫生一入到去就：我同你減晒D藥佢啦

社康：但佢呢排成日哭，情緒唔係幾好

醫生：情緒唔好，係人生必經的.....

醫生問我：你出左成績未

我：未呀

醫生：你一直都無食藥？

我：食黎好似無用

醫生：我都唔覺得有用，所以我從來無叫過你食(我未見過醫生咁講野，所以我同社康之後都無提過食藥的野)

我之後同醫生講，我呢排上堂成日都哭，上唔到堂

醫生：咁我比假你，一星期定一個月？

我：我都唔係想咁，唔返學都唔得，學唔到野的

醫生╴咁你一直都係要學情緒管理，你個病係咁的~

我：我唔返學唔得的，我要聽書呀

醫生：咁咪控制下囉~唸下D方法啦

我：我就係唔知咩方法

醫生：咁咪唔好返學囉，情緒唔好，就唔好返，要返學就唔好情緒差

呢個時候，佢已經係咁印紙出黎，

我知道已經唔會再有野講，

我同佢根本就係溝通唔到<，

我唔講野唔係覺得佢啱，只係唔想再同佢講野，

佢最後同我講：我唸你同CP傾會好D，記住見CP，你都係心理輔導較適合，記住，我從來無叫過你食藥~

唉~我唸我見完今次醫生，

我身邊好多以為醫生真係會同我傾下或開D藥比我的人，

包括我社康，

都會好無奈，因為我可能真係無藥可救，

雖然我由頭到尾都無叫過醫生開藥，

但一聽到佢講佢都唔覺得藥有用之後，我都唔想再講了~

我每次見完佢，返屋企途中都會哭，

因為我唔知係我有問題定點，

我覺得我同佢之間真係唔知可以點....