咩事？

今日我係未上堂前一舍鐘返左學校，

因為約左學校SW，

去到，只見到另外一個SW，

我問佢：我想問X係唔係度？

佢：佢有D事今個星期都返唔到，你有事搵佢？

我：約左佢

佢：佢唔係度，你有咩事搵我啦....

之後我落左樓下Canteen，

早左一個星期，無野做，

坐左係度，忽然間我流下眼淚，

咩事呀？我又為左咁而唔開心？

點解我成日都因為D咁的野而哭？

我未睇精神科時，我都無SW啦，

記得小學時，學校SW主動要見我，我唔會去見，

但而家反而因為......

我真係怕我有一日無左佢地，我會點，

我太依賴佢地了，

我都發覺我近呢2年，因為呢D事唔開心多左，

以前我一定唔會咁囉....

而家只要佢地太耐無搵我，即係比原訂時間耐左，

或者約左無出現，我都會好唔開心，

我知道佢地都好忙，都有自己的生活，

但我的心情就偏偏因為咁而影響到，

我都唔知咩事....

講返今日返學情況，今日第一堂係中文，

都係作文，下堂Test了，但我都唔係太識，

因為我無咩創意....

之後個堂，老師同我地講，

正式教我地的老師(S)已放完產假已經返左黎了，

我地班某D同學唔係好想，

係我立場，我反而鐘意S，因為佢教得好D，管理班上的情況都好D....

最後係英文堂，教寫信，

仲未開始寫，但有D難....

放學後，我同學忽然話手機用唔到，

要借我部電話，佢借完，又有一個高我一級的同學，

佢電話又用唔到，打唔到出去，

而家D電話搞咩呀？