今日都係返學日，返埋今日上午就放假了.....
第一堂係PE堂，
用左大部分時間係做工作紙，
講咩公平競賽，
做完之後就打羽毛球，
我都係企埋一邊，
所以我唔鐘意上PE堂.....
落堂時見到呀媽打比我，
我打返比佢，呀媽話MSW打比佢，同佢講今日唔得閒見我，
所以見我唔洗見佢.....我個一刻真係有D唔開心，
但我知道係呢年事大家都唔想，所以......
之後係Account堂，
一黎就Test，
識就識，但我怕我會唔小心寫錯，
同埋我做得好慢....
做做下，無情情男SW入左黎，
佢話要搵人，但呀Sir話Test緊，見佢20Mins再黎過.....
又問佢：你搵邊個？佢指住我....
之後佢大叫：XXX(我個名)，一陣黎搵一搵我....
我呆左，個心好驚，
心唸：佢又唔係Follow我，點解要搵我？
Test完，呀Sir叫我落去搵左佢先....
去到，佢同我講，MSW打比佢，話佢做完野了，我要照舊返去....
我又呆左，之後我講：要返去？
佢：係呀，佢打比我，叫我通知你....
之後我又上返課室再上堂，
上左一陣，就落堂，即放學了，
我又飛返醫院，我去附近街市買左個包一邊行一邊食，
結果雖然我遅左10mins，
但MSW都仲未得閒見我，
等左一陣，見到佢了，
都係講假期有咩做，
佢問我返唔返大陸，我話呀媽唔肯返.....
佢：你一無野做，就會有事
我：係呀
佢：咁你上年有咩野做
我：學校搞攤位
佢：,咁今年你幫我做D野啦.....你咁多心理學書，入面有好多句子同方法，寫左出黎之後再寫下你咩情況有用，咩情況無用，同個方法OR句子點寫先最好，你寫完，第日我會比其他好似你咁的年紀的年輕人睇，等佢地參考下，因為有事大家參考下人地的方法，可能有幫助....
我：下？用電腦打得唔得？
佢：你鐘意啦....
之後我地約左年初五再見....
最後我去左見CP，
今次我一去到，佢就見我了，
一入到去無幾耐，就有人打比佢，
比我偷聽到佢一陣要去睇醫生，
佢的行為都令我覺得佢好趕時間，
係咁睇錶，所以見得唔係好耐....
今日都係對功課，
係睇完功課的時候，佢話我有好多謬誤，
問我有無學過，佢話佢個仔學校都教緊，佢仲同佢個仔講，佢呢D好叻，佢可以教佢.....
佢又問我，前CP又無教過我，我都話無....
佢問我，知唔知咩叫事後孔明，
我：下？成語黎嫁？唔知呀？
佢：唔係呀，係有早知，無乞丐咁解~
睇完功課，就約下次，
我出面時，佢比左一袋VCD比我，
右邊個盒都係的.....所以好多....
我：下次比返你？
佢：唔洗了，唔洗還
佢學生都笑了....
之後就同呀媽去左某超市買野就返屋企了....
開開心心過新年喇
回覆刪除[版主回覆02/08/2013 23:22:29]你都要呀
為何要對功課？
回覆刪除[版主回覆02/08/2013 23:22:44]佢有比功課我，就會睇
好喇，開心過年先！
回覆刪除[版主回覆02/08/2013 23:22:47]^^
咩cd 來ga???
回覆刪除[版主回覆02/08/2013 23:24:50]哈姆太郎，一共有廿幾隻
過年放假有嘢做啦！你一定要俾心機做好呀！
回覆刪除一日竟然見哂CP同MSW，你實在有好多人關心你呀！
好啦！過新年啦！祝你進步！
[版主回覆02/08/2013 23:25:30]無計啦，今日見唔洗請假呀麻。新年進步
有大把野做啦，新年要好好的過 :)
回覆刪除[版主回覆02/08/2013 23:26:45]你都要呀，加油
Hi，朋友，新年唔駛返大陸？？？可以好好休息喎.....祝朋友新年快樂，身體健康，喜樂愉快 ^_^
回覆刪除[版主回覆02/09/2013 09:28:14]多謝你，我唔返大陸呀，新年進步
加油:) 做多d野，唔好亂唸野
回覆刪除[版主回覆02/09/2013 09:28:39]希望係咁啦
我都唔鍾意pe堂，成日無人同我一組
回覆刪除[版主回覆02/09/2013 09:29:02]我係唔鐘意玩
你一放假，
回覆刪除我地 blog 友就諗，
你唔可以冇野便架。
好在，
MSW 請你幫手，
又有野做啦。。
仲有碟添，
加油啦！
[版主回覆02/09/2013 09:30:45]哈哈，希望我真係可以有野做唔洗唸野啦
「第日我會比其他好似你咁的年紀的年輕人睇，等佢地參考下」搵你寫好呀！我覺得你會寫得好～～^^ 支持！！！！！～～～～～
回覆刪除[版主回覆02/09/2013 09:30:39]我唔會，我怕我會寫左口語><
CP會耐唔時都轉一個?
回覆刪除[版主回覆02/09/2013 14:40:11]係呀，佢地會轉的
早晨呀！恭喜您新年快樂！事事得心應手！花開富貴！笑口常開！身體安康！闔家出
回覆刪除入平安！
[版主回覆02/09/2013 14:40:39]多謝你，新年進步
Dear Fanny,閱後報告令妳更了解心理書中所含的意思，既幫到自己己幫到別人很有意義的！努力喔~左邊的漫畫是否《哈姆太郎》
回覆刪除祝妳新一年快快樂樂，身體健康
[版主回覆02/09/2013 14:41:16]係呀，右邊都係哈姆太郎
我最討厭就係PE堂....好無聊.....
回覆刪除悲傷...終於放假啦.....
[版主回覆02/09/2013 14:42:07]我都好憎PE堂，無野做。係呀，放假了
祝新春快樂！身體健康！萬事勝意！
回覆刪除[版主回覆02/09/2013 14:43:14]多謝你，新年進步
祝妳新春愉快， 身體健康。
回覆刪除[版主回覆02/09/2013 14:43:24]多謝你，新年進步
送VCD? HAHA~
回覆刪除[版主回覆02/09/2013 16:13:37]係呀，佢學生都笑了