陌路人？

今日都係返學日，

返埋聽日就快假了，聽日只返半日，

但我下午要返醫院見CP同MSW，

CP之後放大假了....

今日係好眼訓，好攰~

Lunch之後個堂，

係有D野學的一堂，

之前代課老師教的，今日個老師問書，

好多同學好多都唔識，

上上下堂，某女同學因為唔舒服哭左，

老師係咁問佢咩事，佢都只係哭，

全班靜晒，好緊張，

最後老師Call左學校SW黎帶左佢去輔導室，

但女SW有事請左一個星期假，只好叫男的SW上黎....

我地有繼續上堂，上到大半，老師又話樓下有活動，

叫晒我地落去，

原來係D咩情人節的活動，

整朱古力，我落到去都係坐埋一邊.....

最後係英文堂，

可能英文堂日日都係最後個堂，

搞到我真係好眼訓，

之後放學了~

因為我琴日約左某院友比D野我，

所以我去到一個約定的地方等佢，

等左一陣，見到了，

我地無講任個野，佢只係比完我，我講左句多謝，

佢笑一笑就走左了~

我地就好似網上交收咁，

無任何交流，

係因為我地大家的心情都唔係幾好？

定係我地根本無野講？

我都唔知呀~

我只知今日好多功課，

Account有功課，仲有CP的功課，

又有排做了....