正確的選擇？

因為琴日前中學同學約我今日出黎見面，

所以今日無返教會，

就同佢見面了......

一年多無見了，

記得上次見面的時候，係我上年生日的那日，

之後就無再見了.....

佢就快考DSE了，如果我無退學，無轉校，我都係同佢同一時間考，

佢問我有無去報大學，

佢都同我講，我的成績咁好，唔應該讀而家的學校.....

而家我比佢遲一年先再唸升學的問題，

其實唔止佢咁講，好多之前識我的人，

都唔係好想我讀而家呢間學校，

之前的中心社工，病房護士等，都覺得我的程度唔應該讀呢間，

我好記得，個陣前中學校長、輔導主任、學校SW黎病房見我，我醫生，病房護士主任同CP的時候，

以間學校對我太大壓力為由，

「提議」我退學，我記得個陣病房主任係咁問老師同校長，

咁學校有咩可以幫到我....

佢地提議我讀而家呢間，話一定收我，仲話以我的能力一定考到全班頭3名....

個陣，我咩都聽唔入耳，

我個樣好冷靜，但之後我係咁哭，

CP同主任一直陪住我，CP仲摺花哄我笑，

佢地陪到我七點幾先走......

我唸左好耐，都同佢地傾左好耐，

當然都有好多人反對，

中心社工、MSW同某護士係咁幫我搵其他中學的資料比我，

我出左院都未唸到，

我有係咁搵資料，但我唸到我F.1下學期同F.2全年係無成績表，

雖然我F.3係考到全班第3同第8，但出席率就.....

試問好的學校有點會收我呢？一係我由F.2讀起？

Band3的學校我真係更加唔會入，

所以我只好選呢間，因為校長保證我會入到.....

當然一定有關心我的人反對啦.....

剛入讀時，我好唔習慣咁活潑的學生，

覺得同佢地格格不入，

明明之前間中學無人敢講吵口，上堂無咩人傾計，

一間超嚴的學校去到呢間有咁多活潑的學生的學校真係好唔習慣....

D同學又唔鐘意我(詳見上年的Blog)

雖然真係可以考到頭三名(上年全班第一)

仲攞到所謂的獎學金，

但我想講的係......

我真係會因為考到咁的成績而開心？

每間都有佢的壓力，

只係壓力唔同左，

之前功課較多，測驗較多，成績的競爭較大，老師都較嚴，

但而家呢間就多Porject，更多的Quiz，用英文教，較複雜的人際關係，不穩定的時間表......

所以我都唔知最初我的決定是否正確，

無論如何，我唔會再轉校(除非學校又唔要我)

因為我唔想再浪費時間了......

P.S:今日收到而家呢間學校SW寄黎的聖誕卡，我係度同佢講「多謝你呀，我會努力去完成個3個目標，多謝你係大家都放緊假無人見我的時候，送來祝福，令我感到原來仲有人關心我，愛我，多謝你呀~」因佢而家放大假中，我同唔到佢講，希望佢睇到啦