信

今日無咩野做，

係屋企，係咁執野，

D野真係好多，

 執執下，見返好多信，

我見咁得閒，

就一封封咁睇返，

數量真係好多，

起碼有3,4百封，

全部都係人地寫比我，我全部都有Keep起，

都有好多往年的聖誕卡，

小學至而家的所以卡，所以信都係度，

今日我只係睇返以前D老師，社工，CP，甚至醫生的信，

睇到哭，真的，我成日睇返D信都會哭，

每次睇都有唔同的感受，

老師的信，大多都係之前間中學老師寫比我的信，

我仲記得我個陣入院，

我有同3個老師寫信，佢地間中都有寫返比我，有一個仲特別多.....

社工，有以前的學校社工，中心社工，而家的MSW，同而家的學校社工的卡

CP，係我之前的CP，我生日個陣佢會寫卡比我....

我點解會哭？

1)見到中學某老師不時寫比我的信，入院時，佢的信會帶比我支持同鼓勵，信中佢會同我分享佢的經歷，我哭，係因為我怪我唔識珍惜佢，記得我退學的時候，社工話佢好掛住我，叫我得閒打比佢同去探佢，但我無做過，因為個一刻我唔敢面對佢地，唔知可以同佢講咩......係我，令呢段關係無左......

2)退學前幾個月，我係因為某原因有D唔鐘意個前學校社工，我唔聽佢電話，唔回佢的信，唔見佢.....但今日見到佢寫比我的信，令我知道佢係真心對我的，佢做左好多野(例如同我係學校搞生日會，有好多老師，同學，同我呀媽出席)令我開心，令我得到有愛的感覺，但就係因為我，一時之氣，唔理佢之前對我幾好都好，話唔理佢就唔理佢.....

3)前CP的卡令我唸返起好多野，識左佢之後我每年的生日佢都會送卡比我，記得有一年，佢推左架大車入病房，車上有好多袋公仔，有好多野食，公仔係比我係一個迷你生日會上玩的，食物係同我慶祝生日用，個陣，有醫生，佢，媽，同我最好的院友一齊慶祝，之後又同其他院友一齊分享食物，令我係醫院都有一個難忙的生日.......但就因為佢的一次講左D我唔啱聽的說話，我好唔開心，之後同醫生講，醫生就同我轉左另外一個CP.....

以上3個例子，證明左我係一個唔識珍惜人的人，而家已經失去左佢地了....

記得我有一個醫生，佢對我好好，佢只係唔舒服早退所以無見我，佢都寫返封信同我解釋，同同我傾計，但個陣我仲好唔開心......

我真係一個好有問題的人，人地對我好，我唔知，仲一次一次咁傷害佢地，更加唔識珍惜佢地....

我唔係話而家的人對我唔好，我只係用以上的事做例子....

我好怕我又會因為我的一時之氣而再傷害而家關心我的人，

我知道而家的MSW，CP同學校SW都對我好好，

但我好怕有一日我又會傷害佢地，到第日我又再一次後悔，個陣真係太遲了......

而家的我，成日都覺得人地對我好係必然的，

成日都怪責醫生，中心社工同社康唔理我，唔搵我，

但我又有無珍惜對我好的人呢？

係無呀，只要佢地(MSW，學校SW，CP)小小對我唔好，我就覺得佢地唔係一個好SW，好CP，

但我又無唸過佢地之前點對我，

我好憎自己呀，我好嬲自己呀，

點解，我要咁呀？今日我哭過，之後會改善嗎？

我唔知呀，我想，但我怕做唔到，因為呢D係我一向的處事方式.....