我地約左去食壽司，
佢終於放完大假了，
佢放完之後，學校SW同CP都放假，
一見到佢，佢送左份聖誕禮物同卡比我，
佢話佢搵左三日先搵到，
因為佢想搵一個有天使的音樂盒，
用天使的聲音來蓋住心中魔鬼的聲音，
佢搵左幾日，所以一見到有就即刻入去，
點知，佢話無樣野都要計$，
油漆同木都要，
所以最後比錢係比佢想像中貴.....
講完買野的故事，
之後佢問我呢排發生咩事，
我話考試令我好唔開心，
之後我又哭左....
佢叫我數學唔好問佢，
叫我問其他社工，
哈哈，佢仲怕過我.....
之後佢話下次約我係佢Office度整羊毛氈，
就係咁了.....
返到屋企，唸住做下D野先去醫院見醫生，
點知診所姑娘打比我話：醫生有事，可唔可以早D返黎？
最後，我早左粒半鐘返去，
去到得5個病人係度得見4個醫生，
我見我的主診仲未走，
我坐左一陣，入面的病人出左黎10mins左右，
就到我了，
醫生：醫生病左呀，你洗唔洗要個口罩保護自己？
我：唔洗
醫生：唔洗客氣喎
我：真係唔洗~
醫生：「你見CP講你介手？」(我無出聲)「我睇下得唔得」(我都無理佢)「咩事介手？」(我無出聲)「唔想講就算啦，我唔逼你，等你想講就同我講啦」
我：我呢排考試，Maths唔識做
醫生：唔識做好小事
我：一定好低分，唔想見到個分數
醫生：咁咪唔好睇囉，叫老師唔好派
我：但派個陣又好想睇
醫生：咁即點姐~你估醫生數學有幾多次唔識做？
我：無
醫生：我係中學我係全班最高分的，但記得有一次，我居然唔識做，你估我幾多分？
我：九十幾
醫生：三十幾，攞"F"
我：咁最高分一定係三十幾
醫生：錯，最高分係60+...又有一次，我讀大學，有一科係人體解剖學，我考試，點知分卷全部都唔識，我偷偷地問後面的同學，佢話：抵你死啦，你走左2星期學....最後我是旦做，最後唔合格，但都升到班...(之後佢仲講左一個例)
醫生：你唔想見到個分數，你同老師講，係我叫的，你比個信封佢，叫佢將分卷放係信封度，你唔好睇，下次見我個陣比我，我幫你睇左個分數之後再決定比唔比你睇，唔比你睇就攞去切紙機度...我比封信你了，叫老師咁做，好唔好
我：唔好咁無聊啦....
醫生：咩無聊姐~而家D男女朋友分手信唔想見到都放落紙機度嫁啦
我：好無聊呀
醫生：咁我唔打，你自己同老師講，話係醫生叫的，佢地都識我的，之前開會見過
我：傻的...
之後我唔知點同左佢講我OD，佢無咩反應，
就係咁了.....
見左15mins左右....
呢個醫生幾有趣!
回覆刪除聖誕快樂!放假要開開心心呀
[版主回覆12/24/2012 22:32:11]哈哈，佢真係好無聊
聖誕快樂
你地既對答好攪笑。 祝 聖誕快樂!
回覆刪除[版主回覆12/24/2012 22:32:10]對住佢，都唔知好嬲定好笑
We wish you a merry Christmas
回覆刪除We wish you a merry Christmas
We wish you a merry Christmas
And a happy new year
Glad tidings we bring, to you and your kin
Glad tidings for Christmas and a happy new year.
[版主回覆12/24/2012 22:32:18]聖誕快樂
個醫生又講得幾好~haha 唔好再咁唔開心
回覆刪除[版主回覆12/24/2012 22:32:34]我覺得佢好無聊><
你個醫生好正。
回覆刪除[版主回覆12/24/2012 23:09:23]有d唔正經就真
數學唔太難, 一理通百理明~最多唔識既話我教你
回覆刪除[版主回覆12/24/2012 23:09:49]多謝你先
呢個醫生幾好丫, 聖誕快樂! 要加油呀~
回覆刪除[版主回覆12/25/2012 08:22:58]佢係今次好d，之前真係成日都比佢鬧
搞野
回覆刪除聖誕快樂
[版主回覆12/25/2012 08:23:30]比佢激死><
聖誕快樂
個醫生真係好好:)
回覆刪除祝你聖誕快樂:)
[版主回覆12/25/2012 08:24:48]係好好唔認真><
聖誕快樂
晚安呀！我祝大家開 心 平 安 夜 ! 聖 誕 快 樂 !
回覆刪除[版主回覆12/25/2012 08:24:19]聖誕快樂
周圍的朋友對你都好好，要珍惜！
回覆刪除祝你 聖誕快樂! 希望你新一年最少解決失眠的問題。
[版主回覆12/25/2012 14:15:41]係呀，佢同我講我唔應該食咁多藥，我都希望我可以有自然入睡的一日
[Zealand回覆12/25/2012 13:50:01]是好事，聽說安眠藥其實對身體傷害很大，不吃為妙。
希望你可以學會放鬆心情入睡。
[版主回覆12/25/2012 08:25:18]我知道了，唉~醫生係唔會開安眠藥比我的
聖誕快樂
講左d野出黎應該舒服d吧？
回覆刪除Msw好錫你呀，咁有心思揀一份禮物比你。其實身邊真係有好多錫你的人架。
悲傷你要努力慢慢進步落去呀！：)
醫生係之前那個吧？似乎大家心情不錯呢。
有時，其實d野睇你點睇既嗟，有bias時睇咩都係有bias既，無bias時睇野真係會通透d架。
唔知點解突然諗起細個時作過篇文，題目係"自…起，我對他/她改觀了",其實現實中多有好多呢d故事。
Haha, 好似講得遠左tim。
Btw, merry christmas 呀呀呀呀~~~~:）
[版主回覆12/27/2012 19:50:19]我有時都會有D唔開心，點解唔可以再聯絡，因為有時候剛熟左就要轉，佢地要轉的原因係佢地定期要調去其他分中心，我係度唸點解唔可以一直做落去，要走都唔可以聯絡嗎？因為佢走左我同佢已經唔再係工作的關係，但係我知呢D真係佢地唔可以的，而訂立呢D所謂的工作守則的人一定有佢的原因，我只好咁同自己講
[Efa回覆12/27/2012 12:20:58]其實我明係佢地工作守則。但有時疑惑點解人與人之間的關係會局限於工作，有條件的真心會唔會變左假意。(哈哈，sorry, 我知我0係度轉緊牛角尖。) 其實我知工作就係工作，守則就係守則，that's all....... this is sad but true.
[版主回覆12/27/2012 09:40:10]佢地只可以同我地維持工作上的關係，唔可以私下聯絡，無論你幾鐘意佢，佢幾關心你，我都只有佢地的office電話，畢竟呢d可能係佢地的工作守則
[Efa回覆12/27/2012 03:34:57]oooooh, 有時我都唔係好理解點解呢個世界有呢種關係? 好矛盾呀, sw 或 cp 同病人既關係究竟係真實定虛假架.... 我好疑惑呀>_<
[版主回覆12/26/2012 11:38:13]哈哈，呢條題目真係好有意思，好難，但有意義......MSW走左就唔可以再見，都唔可以再contact佢，任何SW都係咁
[Efa回覆12/26/2012 02:21:07]個作文就係要寫番"自一件咩野事,對某一個人改觀" lor, 個題目幾有趣的 :)
msw 走左之後係咪唔會再見得番ga la?? 定係佢會留番個contact比你ga?? 希望你地維持住個種情誼la :)
[版主回覆12/25/2012 08:31:50]舒服d，小小啦~Msw係一個對我好好的社工，但佢好快就走了，到時就真係無人會理我了><醫生係之前成日鬧我那個，今次佢好似心情好d，或者因為佢病唔想鬧我啦，佢今次講埋晒d好無聊，我都忍唔住笑，但佢講既方法真係比佢激死,不過佢今次已經比之前好係真的
自…?咩黎嫁?聖誕快樂^^
好可愛呀個醫生!XDD
回覆刪除[版主回覆12/25/2012 08:32:34]對住佢真係唔知比咩反應佢
Hahahahaha....個醫生好幽默!佢想引你笑呀！
回覆刪除[版主回覆12/25/2012 12:37:36]搞到我哭緊都忍唔住笑><
O晒咀啦!
回覆刪除[版主回覆12/25/2012 12:38:06]所以你可以想像到我個陣的無奈
個醫生真的很幽默^^
回覆刪除聖誕快樂Merry Christmas~
[版主回覆12/25/2012 14:09:42]見到佢都唔知好嬲定好笑><
聖誕快樂^^
個醫生好得意....
回覆刪除悲傷....今日要快樂呀.....聖誕快樂......
[版主回覆12/25/2012 19:31:32]唉~佢好無聊~聖誕快樂
個醫生係好想幫你同開解你呀！可能係無聊啲，不過要欣賞佢個動機同苦心，希望你面對得到唔順心嘅事。
回覆刪除[版主回覆12/26/2012 13:43:52]我知佢識佢輔導技巧唔多，佢始終係醫生，唔係CP，所以我無怪佢，只係我覺得佢好無聊
呢個msw和醫生對妳幾好吖.
回覆刪除[版主回覆12/27/2012 09:34:35]個醫生係之前個醫生，佢講野真係無次正經，改唔到，但我知佢已經盡左力，有改善了。而msw佢真係對我好好
你醫生好盡力地"無厘頭"(你咁後生,仲知唔知乜野係"無厘頭"?),想令你開心放鬆.你覺得佢無聊,我諗佢都算成功左一半.MSW對你好好,真係好難得咁有心,替你高興有這麼愛你的人在身邊.
回覆刪除[版主回覆12/27/2012 19:45:11]佢今次真係比之前成功左，起碼可以令我笑，都無無情情鬧我....."無厘頭"？係唔係即係D唔關事的野？MSW係好好的，但佢就快要走了
我覺得佢將工作於娛樂而且又解決到你d問題,幾好呀!!!
回覆刪除有時有d嘢唔好睇得咁重要啦,放鬆d呀!!! 將來出來做事,仲多經歷!!
[版主回覆12/27/2012 19:45:32]哈哈，佢有解決到嗎？
醫生唔錯啦，
回覆刪除他都希望你開心，
我地都係。
[版主回覆12/29/2012 20:42:27]佢算好左了