明白嗎？

今日我係屋企等人黎家訪，

佢約左我十點，

我就一早起床，

收埋晒D應該唔可以比人見到的野，

點知我等下等，

十點幾，一個電話打黎，

我呀媽聽，點知佢一定要我聽，

之後對方問我係咪約左姑娘，

我話係呀，

「佢今日有D事，唔黎得，佢之後，應該聽日會再約你」

我：哦

唔知比咩反應佢，

但佢一直都無同我講佢係邊個.....

只係知道係一個代佢打電話黎的人，

知道佢唔黎

係件好事定係壞事？

我都唔知......

但我知道我可以再有時間約到佢的機會係好小，

因為我唯一一個星期二可以返遲小小學的日子，

之後CP會放完假，

會用星期二見返我，

但我放左學先見佢，

佢又話太夜，

咁即係我最快可以見到佢的時間係聖誕節之後，

除非佢可以好早或者放左學之後見我啦....

但呢個可能唔大，係佢話太早同太夜的，

但12月尾，甚至下年，希望我仲可以捱到見佢，

但根據過去的經驗，真係....

返到學校，聽講座，

講咩創意產業，對於一個無咩創意的我黎講，無咩用......

放學見學校S.W

我知道佢要開會，

所以我都無咩野同佢講，

都係傾左一陣，咩自殺對身邊人的影響.....

就係咁了.....

今日的心情好差，真係好差，

我覺得我呢排的心情好易因為D小事影響到，

Cutting，我知道係一個解決唔同問題的方法，

但當我唔開心的時候，

除左唸起佢，真係唔知可以唸起咩，

無人可以比我講，都無一個地方比我哭，

我知道呢個習慣唔好，

但我真係唔知可以點，呢排無論我行行下街，搭搭下車，做做下功課，開開下電腦，

我都會默默地流淚，

係受呢排的事影響？定天氣影響？

我都唔知，總知好辛苦，

你要明白D眼淚流下來的時候你唔比佢流，

想哭你唔比佢哭，有幾辛苦......