見CP+社康

今日見左好多人，

首先返左去見CP，

一開始佢都係問返D例行的問題，

之後到問到有無傷害自己時，

我無答，之後佢話我十分鐘後仲有證，無時間，快D啦(咁趕？好似係你D時間BOOK得咁密，平時每一個證係相隔一個鐘的)

佢係咁叫我快D答，

我最憎人促我的，

我好唔開心，結果哭了，

係，我好耐無對住佢地哭，

平時我會扮到好開心，

但我呢排心情都唔好，無時無刻都哭，

佢仲叫我快D，我真係好辛苦，

咪哭囉~

CP即刻轉第二個話題，

睇功課，佢都係好快咁睇，之後就話：睇左了~

又問我：咁你有無傷害自己姐？例如Cutting....

我都無答，

佢話：咁即係有啦，

之後我又狂哭.....

佢問我咩事，

我答佢同同學相處的問題同成績的問題，

佢：成績幾好都好，如果處理唔到自己的情緒都係無用，我呢幾年唔係想你攞D所謂的獎學金，而係想你學識處理情緒.....
    咁樣對你之後升學或者出黎做野仲有用.....

佢：下次用其他方法代替啦.....

我心唸：我都知，但我用唔到.....

之後佢同我講見埋下一次，佢會放大假

最後約埋下一次就走了，

之後見CN( X ) (點解我用X，係因為我都唔知點講佢係咩)

第一次見佢，佢話要見埋佢的同事.....

一開始佢係咁講咩係社康
其實我一早知，但佢好似背好晒咁，我唔想打亂佢....

佢講完之後問：明唔明？

我：明呀，我之前都有社康，知係咩黎

佢：係咩？咁我同其他社康唔同，唔係護士，你之前可能跟的全部都係護士係唔係呀？

我：有2個係社工

佢：但我係職業治療師(我呆左，OT都可以做社康？咁點解唔直接去見OT呀？)之後，佢又講左咩係OT，

咩大部分只會專注病人的生活的活動，

我又呆左，我日日都要返學，星期六日又有N咁多野做.....

佢又問：明唔明？

我：我之前都有OT跟過....

佢好似無睇過我D History咁......

佢：第,一次見心理醫生？(我O左，做精神科的都唔知呢個世界係無心理醫生，只有心理學家同精神科醫生的嗎？心理醫生只係D唔識精神科的人先會叫的嗎？)

但我無話佢，我只答：見左好多次

佢：即係幾多次？

我話：我見左四年幾，平均一個星期一次，一共幾次我計唔到.....

佢又問：上次咩事入院？

我心唸：我答OD，佢可能唔明，因為佢心理醫生都講得出

我唸左一唸答：OVER DOSE，

佢話：即係咩意思？(我真係無言，我已經盡左力了)

佢的同事即刻答佢.....

最後佢同我講，等你放完假我先再搵你啦....

唉~我放到1月中，放完假先搵，一個月後？放完假要返學佢又話就唔到我時間嫁啦....

見完佢，我返學，

同學PRESENT，

上到一半，

我又落左去學校社工，

都係講我見社康的事，

我提到心理醫生同OVERDOSE，

佢都好無奈，佢話社康無可能唔識，

佢仲叫我應該立即指證佢，

唉~算啦，我唔想教人做野......

最後我返班舫PRESENT，

雖然得2個同學，

但我都好驚，

一定好低分....