覆診

今日早上去左覆Asthma，

好準時咁去到，

超多人，量血壓磅重等檢查條龍真係超長......

我做完基本檢查之後，

坐係度，等左粒幾鐘，

個心就開始擔心，會唔會趕唔切返去上最後的2堂，

我係咁睇錶，

結果等左約2粒鐘，

終於到我了，

入到去，醫生問完我咩名之後就係咁望電腦，

我當然無出聲，

醫生之後問左D好基本的問題，

又問我幾耐之前做過肺功能的test，

我話好耐，之後佢望下個排板，

之後就同我refer左我去排黎做了，

真係超耐，要下年3月中先排到......

之後我見佢好似都問到差唔多，

我就同佢講：學校叫我叫醫生寫返我唔可以係PE堂做劇烈運動的信，

醫生好似無反應，

我又講：上年因為跑步入左A&E，

佢：你唔想上？(佢好似唔多明)

我：我唔係唔想上，我只係想你寫返張唔洗做劇烈運動的信

佢：哦，你讀緊咩學校？

我答完佢，之後佢先肯寫......

唉~真係.......

今日都係星期一，又要開始返學，

所以我見完醫生無食lunch就返學，

返到學校，又要開始好忙咁聽書了......

聽日將會有個唔知係EASY的姑娘定CPN黎家訪，

我又要等佢黎完先返學了.......