思想...

今日早上都有返教會，

但去同返的路程都不斷係咁哭，

係咁呻鼻涕，眼淚又不停流，

今日係我算清醒的一日，

起碼開始有返自己的思想，

會開始唸返起好多野，

雖然大多都係負面的，

但起碼好過前２日只係識訓同眼訓，咩都唸唔到，

其實都幾矛盾，

唔唸野唔係更好嗎？

我唔係想唔洗唸野嗎？

今日只有小小的清醒我又不斷唸野，不斷係度哭，

一方面係度唸點解自己死唔去，

一方面又係度問自己做緊咩，

而家咁就係我想要的嗎？

我唔係答應左CP聖誕假唔OD的嗎？

我唔係答應左學校SW佢放假其間唔好令佢擔心嗎？

但我只係開始放個幾個鐘假已經做錯了，

佢地知道會點呀？

但我又真係完全知道錯嗎？

如果知道又點解一次又一次咁做呢？

我點解永遠都係咁，

一放假，我就好似脫繩馬騮咁，

咩都唔記得晒，唔通我就唔可以有長大的一日？

我深深知道今次唔係第一次，我都知道未必係最後一次，

唔通我一日唔死都要咁做？

我知道我身邊係有人真心想幫我的，

我咁樣做，唔會令佢地唔開心嗎？

聽日就要覆診了，

聽日好可能係我今年最後一個見的人，

雖然呢個醫生係唔多鐘意，

我都知道我係唔會主動同人講我的OD同Cutting的行為，

我更加唔會主動同人講我的唔開心，

特別係醫生，

但我係度唸如果醫生知道我的事(雖然只有5%機會，因為佢從來唔會問)，

我應該點？