童年

今日唔係公眾假期，

但係學校假期，所以唔洗返學，

唔洗返學真係好悶，

因為考完試了，無功課做，

而今個星期要見的人都已經見晒了，

所以真係無咩野要做，

早上係屋企，開一陣電腦，

到中午，出街食lunch，

食完，行下去書店睇下有無新貼紙，膠紙，信紙，

就係咁，行完又出黎，返屋企，

無野做，係張床度又唸野，

唸下之前發生的野，

考試卷，甚至人地同我講過的野，

當然有好多的負面思想，

我係度唸，想得到愛真係咁難嗎？

細細過，因為爸爸年老多病，成日係醫院

呀媽成日都要照顧佢，

而我就成日份D所謂的親戚度住，

佢地將我A比B，B又比C，C又比D....

最後我比返

因為呀爸有好多傳統的思想，

呀媽又因為童年都受過家人的打鬧，

所以只要兩個一係屋企我只要有小小唔合佢地意我就會比佢地打，

例如我唔睇煙花，掛住玩，

就會比人打，打唔係單純的打，會比人綁住黎打，更加有時會出動到搥仔.....

返學，會比同學笑，

老師都唔鐘意我，

但我可以同家人講嗎？

爸爸的過生，令我之後無再比人打，

但我無因為咁而開心，我仲因為咁而傷心，

我唔係想有人打我，而我唔想失去一個人.......

我講出黎唔係想話佢地，

而係我只係講我今日所唸的野，

可能因為我的童年，我長大後，

我就好想有人關心我，愛我，

只要身邊一有人離開我，我就會好唔開心，

我為左想知道仲有人關心我，我會Keep起D人比我所有的野，

一張Memo紙都唔放過，

我唔係有保管野的能力，

而係我好想係好似我而家放假無人見，

或者我比人鬧的時候，我會攞出黎睇，

我唔係想為自己的處事方式做借口，

我只係想整理返我今日所唸的野......