見CP

今日因為之前呀Sir同我講，

今日可以唔返，

就算返到去都係各有各溫書，

所以我無返學.....

但要返醫院見CP，

搭車返去途中，有個類似學校電話NO.的來電顯示打比我，

我一望到，心唸：唔通就係因為我無返，而比人鬧？但係佢話可以唔返的....

一聽，係男人聲，

佢一黎就話：喂！你而家係唔係學校呀？

我：唔係呀(其實我唔知佢係邊個)

佢：聽日返唔返？

我：唔洗返，星期四先要返

佢：咁你星期四返黎搵我比張做義工的通告你啦....

我：哦

佢：你叫埋L同Y同學過黎啦~係咁啦，88

之後，我唸左好耐，先唸到佢係學校的某職員(當然我係識佢的)，

真係嚇死我><

去到，我上去我CP的Office，

見到有個女人坐左係走廊的椅上，

我心唸：又係等見我個CP？(因為其實呢個時間係見我個CP先會係個度)

當然，我無理到啦......

入到去，個CP電話響，佢講的內容比我聽到晒~

「佢一點係出面？我一定唔會約人一點見，食飯時間黎」

「下？咁佢咪阻到你地食飯？」

「佢之前已經2次無黎，之後我叫佢叫醫生寫轉介信」(失約2次就要重新轉介)

「點知佢走上黎吵，我只好比多次機會佢，點知佢又黎左一次之後又唔黎」]

「而家話我約左佢一點？死都唔肯走？」(我唸應該係我剛見到那位)

「唉~呢個一定係PD的」

「唔好意思呀，搞到你地無得食飯」

「佢咁樣真係PD的」

「唉~我要打比佢CMO先得，真係PD先會咁」

其實我好無奈，真係好無奈，但我當聽唔到，直至佢叫我先理佢.....

我想講，唔係個個PD都會咁><至小我唔係......

講返見佢的情況，

今次見左佢有1粒鐘多5分鐘左右啦.....

今次見得耐D係因為佢今日呢個時間唔係門診時間，

所以無病人係後面等....

都係傾D關於Self - harm的野，

佢想比我的小冊子，

之後我話：你之前比左我，我攞出黎比佢睇...

佢問我有無卡，之後我又比佢，

佢：你個袋係多啦A夢百寶袋，咩都有....

佢都唔記得佢比過我，

自己都睇到笑，仲話：我寫咁多真跡比你，遲D我出左名一定好值錢

我O左.....

之後傾下傾下，佢話：企起身傾啦，我之前去聽書，個教授話坐得耐行下企下會令壓力中的荷爾蒙減小.....

我忍唔住笑，但我都有企左係度，

之後佢係咁係個室度行來行去......

一路講野一路行......

最後約下次，佢放大假，

所以我下次係佢放完假的第一日見佢......

佢：聖誕快樂，唔好又OD，唔吉利呀...下次見....

我走之前比張聖誕卡佢之後就閃走左....

我係咪好衰？其實我比到佢已經好叻了