2013目標

今日係一月一日，

係2013年的開始，

今年我想除左CP同SW同我訂目標之外，

我都想為自己訂立目標，

當然部分會同佢地重複啦.....

首先，我想睇返上年CP同我訂的目標的進度，

CP為我訂的4個目標，

包括1)學識拒絕人

CP話我係2012年已經拒絕左人好多次

包括入宿舍同我成日都唔答人問題等，

當我唔答佢野的時候，佢會同我講，你而家咪拒絕緊我囉，

佢咁的意思，唔知係讚緊我定話緊我呢？

係其他方面，我仲覺得拒絕人係好難的，

所以我好多時都答唔知，同哦左就算....

但係2012，我起碼可以做到宿舍唔去先，雖然我知未必對我好，但係呢個要求我係做到的，

所以應該有做到15%

2)用其他方法代替Self-harm，

CP話我係上次出院後，已經有2-3個月無界手，只有一次OD，

但一到12月就又界手，又OD，

佢同我講，我要Keep返之前咁.....

所以呢個未算做到，因為我半途而廢了......

所以只有24%做到，

3)降低自己的要求

我仲因為D成績唔合自己心意而唔開心，仲Self-harm，

但2011年，我連玩Game同小組功課都一定要好高分，

而2012年我開始覺得呢D係自己未切控制到，

已經算有小小的進步，

所以應該有做到10%....

4)提升自專心/自專心

而家CP仲教緊呢D野，

將自己話自己的意見，變返做事實，

而家仲做緊，所以而家仲未能評估做唔做到......

到今年，2013年，

我除左要做CP同SW同我一齊訂的目標之外，

我仲想做到.....

係情緒方面，我想改善自己的情緒，

唔好成日唔開心，成日又好激動，

學識控制情緒，唔開心的時候，會可以唸得起做鬆弛練習，

學識同人相處，唔好太介意人地點睇我，都唔好太依賴人，唔好要所有人都對我好好，

學識人地對我好唔係必然的道理，

同人傾計的時候，小D答唔知，勇於表達自己，特別要多D同醫生，CP，SW表達自己的感受.....

當然，要唸D方法代替Self-Harm....

係學校方面，

D野會越想越難，我一定要學識唔應該好似上年咁一定要攞第一的心態，

降低自己的要求，

適當時放鬆一下，至小唔好再一路哭一路考，

學識同同學，老師相處......

係家庭方面，

我要學識包容呀媽，學識同佢相處，

如果可以，多融合教會的生活.....

係咪好多呀？但我最主要想改善左情緒方面的問題先，

因為佢先係最影響我同身邊的人......

係2013年，我知道有好多野要面對，

MSW的離開，

更深的學業，

仲有好多未知佢會發生的野......

但我知道，我又大一年了，

我唔可以仲好似個小朋友咁，

我要長大了......

聽日見CP了，佢係我2013年第一個要見的人，

佢放完假了，我仲有佢的功課未做，

我今日的目標就係要做完佢的功課.....