見MSW

今日都係返學日，

但我係返學前返左醫院見MSW，

我等MSW的途中，見到我前中心姑娘，

佢轉左做CPS~

佢話成日都見到我，佢仲知我而家跟邊個社康，

唉~如果而家仲係佢Follow我就好了.......

之後，就見到MSW，

佢同我出去行下，

佢問我，星期五個日點，

我話哭，但哭左一陣就唔比自己哭.....

佢話我今次有進步，有人離開我，我都無入院，

係呀，我之後就算有SW離開我，我都哭到死......

我同佢講，呢排我都好Down，

我唔想返學，咩都唔想做，

但又唔比自己哭，

學校唔得，屋企都唔得，

就算幾唔開心，都唔可以哭.....

如果我而家係前中學，一早請左假抖一排~

因為我而家返學根本聽唔到書....

佢問我點解去學校SW度哭....

我話唔係成日見到佢，

我又唔係無情情可以哭的人.....

佢問我新年假點算？

因為佢知我一放假，唔洗返學我就會.....

我同佢講：唔知呀~

因為我真係唔知有咩可以做....

佢同我講，人生就如巴士，自己就係司機，

見到好多人上落車，

就好似我地的人生會好多人係中途加入同消失.....

我哭左.....因為我真係經歷過好多人的離開，

親人，醫生，社工，同學等~

我最唔開心的就係親人同社工，其次係醫生，

因為呢D係無得再聯絡，都係感情較深~

見完佢，就返學了.....

第一堂係中文，教錯別字，

最後個堂係英文堂，

因為壽地班好吵，

呀Sir鬧人，

成班靜晒，

嚇死我了......