唉~

今日都係返學日，

但係放得好夜，

而家先返到屋企，

第一堂係Account 堂，

終於開始上手，

明左小小，

但都係有D難~

最後個堂，我地去左一個全間課室都係用Apple 電腦的課室，

其實個個課室係修IT科的同學去的，

但今日我地要用電腦，

但又Book唔到其他電腦室，

所以就去左呢個~

入到去，我地連開機都唔識，

問老師，佢地唔識，

我地用左大半個鐘，先研究到點開機，而全班先開到~

之後，老師仲叫我地今堂要交到一個Powerpoint，

但我地連點開Powerpoint都唔知，

佢又話要我地自己研究，

我地又用左成半粒鐘先搵到，但又唔識打字，

佢又叫我地自己研究，我地同老師講：今堂一定做唔到，不如比我地返屋企做啦~

佢話今堂一定要交，

之後我地叫佢：一係搵IT的技術員幫手，問下佢點用，

佢又叫我地研究下，要有探究精神，

我知道咁搞法，一定交唔切，

所以我同2個同學提出去圖書館借手提電腦做，

佢最初都唔比，但最後比我地3個去，

去到個職員都問我地點解要借，

我地直言話唔識用上面D Apple電腦，

佢：點解唔問IT技術員？

我地：老師話要自己研究

佢：下？係佢主動要BOOK個間的，而家唔識用，真係好奇怪，

之後我地上去做，份Powerpoint其中一Part要寫我的家庭，

老師話一定要寫5個家人.....

下？無咁點呀？

我照寫，但下次佢話我錯的話我一定同佢吵.....

之後放學我要去葵涌參加義工分享會，

就去到咁夜了，

好了，而家要食野了~