見CP

今日我要係我返學前返去見CP，

因為CP唔係門診時間見我，

所以去到無護士當值，

我只好等護士經過~

入到去見CP，

CP：今日你唔洗返學？

我：要呀~

CP：下？我唔係等你唔洗返學先黎的嗎？

我：係呀，但上次我見你前一日，老師話今日可以返遲，但後一日就話要返~

CP：咁快D傾完就返去，等我印張假紙比你先~

之後佢問完D例行問題之後，

佢就問我幾時去伯公的奠禮，

我話聽日，之後佢叫我唔好咁唔開心~

之後佢睇功課，

問我點解今日個樣唔開心，

我話擔心英文唔合格，

佢話唔合格，唔代表我無用，而係只係我英文唔夠好~

佢話佢個仔英文都唔合格....

見完佢，我又要以超快的步伐返學校，

返到去，佢地當然上緊堂啦，

下堂後，我去搵學校SW比琴日社度叫我比的卡片比佢，

之後佢居然叫我比返佢張卡片比社康，

我同佢講，我十年都唔見社康一次，

佢叫我有機會先比佢~

最後個堂係英文堂，

佢都係教唔完一課書，

但通常一課最後的部分都係最重要的，

但佢永遠都唔夠時間教~

所以，最後下堂時，所有同學走晒，

得返我同某2同學，

老師問我有無問題，

我：你介唔介意我有D野想講？

佢：講啦

我：其實後面的會唔會考？

佢：一定會

我：咁你唔講，我地唔會識，後面先最難~

佢：咁你下次提我，我講返~

我：唔該

佢：多謝你同我講~

其實我都唔知點解忽然間會出自我把口講，

但我真係怕我英文唔合格~