捱埋佢....

今日係星期四，都係返學日~

第一堂，講而家青少年上網做D咩.....

都睇左好多關於呢D的資料，

而最為我地同學關注的係網上欺凌，

講D人會係網上某D論壇度比人起底，

分分數至係講左一句人地唔鐘意聽的野，

都係比人咁做~

咁樣雖然會令睇的可能好開心，

但當時人，就會有好大的創傷，

更加有人會因為咁而頂唔順自殺....

老師帶出一個問題：係咪佢真係咁唔值得原諒，要死先可以令大家收手？

都有講FB的群組，

其中令我最記得的就係自殺群組，

因為我都有加過類似的野，

但我無理過入面做咩，

都無睇過，個陣只係唔知做過加左，

當然而家就無啦.....

之後個堂係要分組做的，

係關於創業的，

好多野我都唔識，所以我地都係搵下資料先.....

最後係英文堂，

上到好眼訓，

上上下有一個外籍Miss入黎課室做宣傳，

係關於一個畫劇的Club，

佢走左，又上堂了，

之後就放學....

好耐無講過我呢排的心情，

我呢排的心情都唔知點形容，

但我已經好耐無一覺好訓，

我用左好多方法，都係訓唔到，

就算真係比我訓到，但都好快又醒，又有排都訓唔到....

我唔知係日間的情緒影響佢，定佢影響左我的情緒，

我係學校大致上都可以做到好似無野，

但心底裡我真係好唔開心，

好想哭，但又唔可以哭.....

有時又無情情比人叫我個名，

嚇死我，唉~

返多一星期就可以抖返一個星期左右，

我一定要捱埋佢呀.....