思想

今日都仲未要返學，

我都係無咩野做，

係屋企....

未睇CP的書，

今早起床照舊係床到唸野，

好唔開心，好擔心返學後知道成績後自己的情緒，

我知道無咁快會出成績，

但始終都會有呢一日，

我仲記得醫生叫我唔好睇之後比佢，

再由佢決定比我睇定碎左佢，

呢個有D無聊的答案.....

今次比上年仲緊張，

因為我知一定會比上年差，

成績唔重要？

呢個只會只係會講，

但呢個社會邊個係覺得成績真係唔重要呀？

我知我覺得自己差都唔會係好差，

因為我差的定義係有D唔同，

如果一個平時唔合格的人，

合格應該會好開心，

但對於一個平時大多數有90+的人黎講，

70+，甚至80，都會好唔開心，

D野難左？但人就係要進步嫁啦，

學得多，能力高左，D野自然會深左，

好似你小學一年級有90，六年級都會有90，

對於我平時唔係好好的科，差我唔會太唔開心，

但對於一D平時我識的科差，我就會好唔開心，

唔係正常嗎？

中午，同呀媽出去食完Lunch，

返左屋企整MSW的手工，

因為我畫畫唔靚，

所以我決定剪剪貼貼，

我希望今日可以整完，

呢份野有好多字，寫出移民的感受，

只係用D圖畫做裝飾，

仲未整完，但一定唔會好靚，

唔樣衰都係我的極限，

始終我唔係好識整呢D野.....

只希望今晚整完，之後可以睇CP的書同整下屋企的Board.....