社康家訪

今日都係返學日，

今日我係最無心情上堂的一日，

我根本咩都聽唔入耳，

英文堂，老師叫我出去做題目，

我：唔識呀~唔去~

當然佢無再逼我.....

其實我係識的，只不過我唔想理佢~

平時的我，我一定唔會咁，

我會出去做，

就算唔識，我都會問同學，之後出去~

因為我真係無咩心機，

我咩都唔想理，更加唔想做任何野....

放學，約左學校SW，

今次又哭左，唔知點解呢幾次見到佢都係度哭，

可能我的心情真係好Down，

都係傾我成日覺得有人叫我，講我壞話的事，

又講我覺得醫生唔明白我，唔想理我.....

學校SW叫我試下食藥，

我同佢講，食左會返唔到學，

同埋已經無食咁耐，副作用會超大，

佢都同意，所以叫我同醫生講，

我有排都未再覆，到時先算啦~

見完佢，食左D野，之後上左學校的活動小組，

上上下，呀媽打比我，話叫我返屋企，社康差唔多黎，

因為我一早同左老師講，

所以我可以直接走，

返到屋企，社康先打比我，話個陣先搭車過黎.....

佢黎到了，佢叫呀媽出一出街，

見呀媽出左去，

佢叫我比D藥佢睇，

我攞晒比佢，佢話都幾多，有200粒，

佢比左140粒我，其他就收返了......

佢話如果唔食都OK，就可以唔食，

其實我都係第一次見社康會咁講野.....

我同佢講：我唔會無情情食返，

當然我知我而家的情況差左，

但食左我一定返唔到學~

佢問我之前食緊咩藥，

我答左佢一D藥名，

佢居然聽唔明，之後我比藥書佢睇，

佢先知原來有呢隻藥~

唉~唔知咩事.....

我聽日又要請假了，見CP，

成日都請假，唉~