見醫生+社康

今日都係返學日，

未入課室，呀媽打比我，問我社康又無打比我，

我話無~

第一堂就係Account堂，

今堂教個D真係超複雜，

又話英式又話美式，

雖然最後我都做到，

但我唔明點做.....

之後係中文堂，

教寫通告，

唉~我唔係咁鐘意寫D有規範的文.....

之後係Maths堂，

又係好難，

最後我都係計到....

上上下堂，我要早退覆診，

因為我上堂前已經同呀SIR講左我要早走，

所以我走個陣講一句就走到......

一出校門，見到我有3個未接電話，

心唸：邊個係我上堂時間打比我呀？

點知，就即刻有人打比我.....

原來係社康，佢叫我去到醫院CALL佢，佢搵我....

去到，我打比佢，等左一陣，佢就黎到.....

但一去到，見到我主診企係D宣傳單張架前睇緊D單張......

佢見到我，就叫我入去，

個陣我仲未有同社康講任何野.....

我一入到去，我無關門，因為我FEEL到醫生想叫社康入埋去，

所以我望住社康，

之後社康就入埋去了....

醫生問社康：佢呢排點？

社康：我都係聽同事講，佢呢排因為有家人過生同學校問題唔開心

醫生問我：派左成績未

我：未

醫生：幾時派

我：2月尾

醫生：攞黎比我睇

我：下？

醫生：有無名次睇？

我：無，係得老師知

醫生：叫老師比我

我：唔可以的

醫生：你話醫生叫的，我唔係想睇分數，我想睇你考成點

我：好難呀~

醫生：屋企仲有無藥？

我：大把

醫生：幾多

我：成盒

醫生問社康：有幾多？

社康：唔知，仲未約到去佢屋企.....

醫生：咁而家即刻約啦

社康：聽日OK？

我：要返學

醫生：咁你睇下你個時間表幾時可以唔洗返啦~

我比醫生睇

醫生：唔好比我睇，你D英文我睇唔明

我：星期三下午早小小放~

社康：咁星期三下午4點啦~

醫生：比唔比人黎你屋企

我：得~

醫生：咁我開一半藥比你啦~

我：唔洗開啦~

醫生：算啦，你鐘意食就食啦~唔迫你，唔開住了.....有咩事返黎搵我，得閒返醫院住幾日都可以

我：唔要呀

醫生：咁快D攞走你個排板啦，你個板就快頂上天花板咁高了~我已經收埋晒好多，而家仲有咁多~

我：燒晒佢啦~

醫生：要放廿年的，到時無位比你放....下次見啦.....

之後我同社康講左10mins左右就走了，

我已經無見佢成個半月，

今次係第2次見佢，

好陌生，所以我無野同佢講......

社康話：我個醫生好好笑2我見佢個陣好開心

我話佢好唔認真就真.......